Daniel 11:27 - Alkitab Duri

²⁷ La cumadokkoi joo raja sola dua nakumande, apa gaja' akkattana sola dua na siuraga. Te'da najaji joo akkattana, nasaba' te'dapa nadete'i wattunna to Napattantu Puang Allataala.

Daniel 11:27 Referans Kwoze

Daniel 11:35

Ba'tu pira-pira to tomacca mangpangngajah melo la dipatei, apa ia joo menjaji pecoba lako umma'-Na Puang Allataala namacero te'da caccana ratu lako Kama'na lino, iamo wattu to mangka Napattantu Puang Allataala.

Daniel 11:40

Ia tonna mangkatampakanna joo wattu, la nararii Raja Mesir. Namane' la mangpabalahhi to raja jajanna liu mpake bendi kapararian, surudadu mangnyarang, na den too buda kappala'na. Ia to surudadunna liwa' buda la ssamboi buda kampong susi bangmi wai saba'.

Daniel 8:19

Namangkada pole' Jibrail lako aku' nakua, “La kupauanko apa to la jaji ke la Kama'i lino, Napugaukki Allataala to kamabirisan la'da'na.

Kada Bulawan 26:23

Ia to tomelo jio timunna, apa gaja' llan penawanna, padai to kurin litak disapu' pera'.

Kada Bulawan 12:20

Na nang llanmo penawanna la mangnguraga to tomangngatta mpugauk kagajatan, apa ia to tompangngattai kasikalinoan, la masannang.

1 Tesalonika 5:1

Ee, tomala'bihku' sola ngasan! Te'damo kiparallu nnukiran kamu' to kumua, umbo wattu nalaratu pole' Puang Isa.

Jamanna Rasulu' 17:31

Nasaba' mangkamo napattantuan mesa' allo la dinii rra'tahhi to panggaukanna to tolino situru' kamarurusan-Na. Denmo mesa' tau napilei la mpugaukki joo. Mangkamo napatuo pole' joo tau jio mai kamatean, dikua anna manassa kumua Iamo napilei.”

Jamanna Rasulu' 1:7

Napebalii Puang Isa nakua, “Ambe' Ia to mpattantui to wattunna na allona. Te'da naparallu miissen joo, sanga Ambe' Ia mpuissenni.

Daniel 11:29

Ia to wattu pura Napattantu Puang Allataala la male pole' rrarii to karajaan lo'na liu, apa ia to assele'na te'da nasusi tonna male jolo.

Daniel 10:1

Ia tonna taun mangpentallunnamo kaparentanna Koresh rajana to-Persia, ratumi pepasan-Na Puang Allataala lako Daniel to disanga too Beltsazar. Tongan joo pepasan mpaui kumua la den kasirarian la'da'. Naparinawa tonganni Daniel joo pepasan, napemanassaii to pengkita ratu lako kalena.

Kada Bulawan 19:21

Buda to naakkattai tolino, apa akkatta-Na Ia Puang Allataala to jaji.

Daniel 11:28

La pole re' kampongna raja jajanna liu mbawa ewanan buda to mangka narampa. Den akkattana la nnancuru'i to agamanna umma'-Na Puang Allataala. La mpugauk bang apa nakabudai namane' pole re' kampongna.

Daniel 8:17

Jaji ratumi Jibrail jio to kunii ke'deh. Ia tonna mandoppi'mo liwa'mo' malaja', kusongka do' litak jio olona. Nakua lako aku', “Ee, tolinoko, apa nang la parallu muissen kumua ia joo pengkitammu iamo to la jaji ke la Kama'mi lino.”