Daniel 11:2 - Alkitab Duri

² Mpatarruhhi kadanna joo malaeka' mangrupa tau lako aku' Daniel nakua, ‘Ia to la kupauanko nang la jaji. La den unapa tallu raja la mangparenta jio Persia, namane' den raja mangpennappa' to la'bih sugih na ia joo raja tallu jolona, na ia ke memmawatangmi sanga kasugiranna la rrasimi sininna bangsa nnewa karajaan Yunani.

Daniel 11:2 Referans Kwoze

Pengkitanna Yahya 21:5

Ia joo tocumadokko jao cadokkoan mala'bih mangkada nakua, “Kubarui ngasanmi.” Nakuan toopa', “Uki'i tee kada mangka kupau, sanga tongan nawa'ding dikatappa'i.”

Daniel 8:26

Ia joo pengkita mpaui to pangkaroba keallo-keallo 2300 to dipugauk makale' na karuen, to mangkamoko dipauan, nang la jaji. Apa nang la mujagai melo tongan tuu pengkita, sanga gaja sainpa namane' jaji.”

Yahya 10:35

Miissen kumua te'damo nawa'ding dita'dei to diuki' lan Sura' Allataala. Jaji ia ke den diuki' lan Sura' Allataala kumua Puang Allataala ssangai allataala to tontarimai to kadan-Na,

Amos 3:7

Iamo joo, nate'dapa apa Napugauk PUANG Allataala, ke te'dapi Napangpeissenanni jolo' lako nabi, tompangjaman Puang Allataala.

Daniel 11:25

Napangpekitanni to kamawatanganna sola kabaranianna la nnewai to raja lo'na liu nampake surudadu gaja buda, na moi nasadia too to raja lo'na liu rrarii sola surudadu buda na mawatang, apa te'da nakullei patalo, nasaba' tau lan bang una karajaanna to nnewai.

Daniel 8:4

Kukitai joo bembala' muane manglaga tama kalambunan, manglaga re', manglaga sau'. La'bih mawatang na ia to olok-olok laen, moi mesa' te'da ngkullei nnewai, ba'tu la'pah jio mai kuasanna. Napugauk bang to apa nakadoangngi, na memmawatang.

Daniel 7:5

Den omi olok-olok mangpenduanna susi beruang, ke'dehhi, apa ia manda to aje undinna napupellese, na den tallu buku bamban nakengke. Na den gamara kusa'ding ngkuanni, ‘Ee, kandemoko juku' sabarahmu.’

Kada Bulawan 22:21

to la nnajahhiko pangpangngajah tongan na dikatappa'i na ia ke nakutanaiko to tossuako la tongan pebalimmu.

Daniel 10:1

Ia tonna taun mangpentallunnamo kaparentanna Koresh rajana to-Persia, ratumi pepasan-Na Puang Allataala lako Daniel to disanga too Beltsazar. Tongan joo pepasan mpaui kumua la den kasirarian la'da'. Naparinawa tonganni Daniel joo pepasan, napemanassaii to pengkita ratu lako kalena.

Daniel 8:21

Ia to beke muane, iamo to karajaan Yunani. Na ia to tanduk matonggo jio paralla' matanna, iamo to bungah rajana.

Ester 1:1

Jio Persia tonna anu' den raja disanga Ahasweros to torro jio benteng Susan, iamo kota lompo Persia. Ia joo Raja Ahasweros mparenta saratuh duangpulo pitu propinsi, mangpamula jio mai tana India ratu lako tana Etiopia.