Daniel 10:3 - Alkitab Duri

³ Ia to kande melo te'da kukandei, moi juku' sola anggoro' te'da too mentama anga'ku', te'da toomo kujio'i ulungku' arannai liwa' joo wattu duangpulo mesa allona kunii masussa.

Daniel 10:3 Referans Kwoze

Matius 6:17

Ia ammipuasa, mendau' kamu', ammimessuru' melo,

Amos 5:11

Mipakario-rio to tokaasi-asi mirampa too to gandumna. Iamo joo moi ngkabua' kamu' bola ballo, te'da milantorroii. Moi mitanannii anggoro' to bara'bahmi, te'da too milapebuaii to assele'na.

Daniel 11:8

Ia to tau-tau dewata to dikabua' jio mai tambaga dipalolloh sola parewanan makeangga' jio mai salaka sola bulawan narampa la nabawa lako tana Mesir. Mangkai joo too la den ba'tu pirang-pirang taun te'da nararii to karajaan jajanna liu.

1 Korintus 9:27

Kupengkulle-kullei tongan ngkuasai kaleku', sanga iamo ke aku'mo to mpangpeissenan Kareba Kasalamatan na aku' pole' ora tangdipasalama'.

Daniel 6:18

Namane' ditutu' batu tonggo joo lo'ko' singa, nadica' mpake cincin kakuasanna raja sola cincin ponggawa tomajao pangka'na dikua na moi mesa' tau te'da wa'ding la lla'paranni to Daniel.

Lukas 7:46

Te'da muminynyakkii to ulung-Ku', apa ia tee baine natua'i minynya'-minynya' to aje-Ku'.

Daniel 10:12

Namangkada pole' joo malaeka' mangrupa tau lako aku', nakua, ‘Daniel, danggi' mumalaja', nasaba' Nasa'dingmo Puang Allataala to passambajangmu tommumane' nnakkattaii la nnissenni joo pepasan-Na ammumpamajiong kalemu lako Allataala to musompa. Iamo kuratu, nasaba' passambajangmu.