Daniel 10:1 - Alkitab Duri

¹ Ia tonna taun mangpentallunnamo kaparentanna Koresh rajana to-Persia, ratumi pepasan-Na Puang Allataala lako Daniel to disanga too Beltsazar. Tongan joo pepasan mpaui kumua la den kasirarian la'da'. Naparinawa tonganni Daniel joo pepasan, napemanassaii to pengkita ratu lako kalena.

Daniel 10:1 Referans Kwoze

Daniel 8:26

Ia joo pengkita mpaui to pangkaroba keallo-keallo 2300 to dipugauk makale' na karuen, to mangkamoko dipauan, nang la jaji. Apa nang la mujagai melo tongan tuu pengkita, sanga gaja sainpa namane' jaji.”

Daniel 6:28

Iamo Tomangpasalama' ntulungki' to mpajaji tanda mejangngaran lan lino sola jao langi'. Ia toomo to mangka lla'paran Daniel jio mai singa.”

Daniel 1:21

Mangjama unapi Daniel lan istanana raja ratu lako nadete' wattunna Raja Koresh mangpamula mangparenta.

Daniel 1:7

Apa nasulleii kapala istana to sanganna Daniel menjaji Beltsazar, Hananya menjaji Sadrakh, Misael menjaji Mesakh, na Azarya menjaji Abednego.

Daniel 1:17

Allataala mbarakka'ii kapaissenan joo appa' kallolo anna macca nnissenni to mangrupa-rupa pangnguki' na mandalan pangtangngaranna lan sininna pangngajaran to diajaranni. Apa ia to Daniel Nabarakka'i pole'pa Allataala kapaissenan la mbattuananni tindo sola mpamanassa pengkita.

Pengkitanna Yahya 19:9

Nakua joo malaeka' lako aku', “Uki'i tee: Masannang to toditambai lako joo pangmaroasan tobotting.” Namane' mangkada pole' nakua, “Ia tee kareba tongan pole jio mai Puang Allataala.”

Daniel 12:9

Mebalii joo malaeka' nakua, ‘Danggi' mumalaja' Daniel, nasaba' ia tee kadan-Na Puang Allataala la dianna melo na dijagai ratu lako Kama'na lino.

Daniel 12:4

Mangkada omi joo malaeka' mangrupa tau nakua, ‘Ee Daniel, anna meloi tee sura', mutatta' njagaii ratu lako Kama'na lino. Buda tau male lako male jio mai madoang nnissenni, dikua nakerangngan to kapaissenanna.’

Daniel 10:14

Kumane' ratu ssikitanko mpapahangngiko to apa la jaji lako bangsamu keanu', nasaba' ia tee pengkita la jaji tee wattu la dioloi lako.’

Daniel 5:17

Mebalii Daniel nakua, “Danggi'mo na aku' taben, tabenmi tau laen. Apa moi nasusi joo, nang la kubacanki' joo pangnguki', kupauan tooki' battuananna.”

Daniel 2:21

Iamo mpattantu sininna wattu. Ia toomo nnangka'i sola mpasoro'i to tomakuasa. Ia toomo mbenni kapaissenan sola kamapahangan lako tomacca.

Lukas 1:20

Apa ia to kupauanko la jaji ke wattunnami. La mamangko sajajinna joo, sanga te'da mukatappa'i.”

Daniel 11:2

Mpatarruhhi kadanna joo malaeka' mangrupa tau lako aku' Daniel nakua, ‘Ia to la kupauanko nang la jaji. La den unapa tallu raja la mangparenta jio Persia, namane' den raja mangpennappa' to la'bih sugih na ia joo raja tallu jolona, na ia ke memmawatangmi sanga kasugiranna la rrasimi sininna bangsa nnewa karajaan Yunani.

Daniel 8:16

Denmi gamaranna tau kusa'ding metamba jio mai sambali'na Sa'dan Ulai, nakua, “Ee Jibrail, pauanni Daniel battuananna joo pengkitanna.”

Daniel 5:12

Ia joo tau dibarakka'i pangpikkirisan melo, kapaissenan sola kamaccan. Iamo joo namacca mbattuananni tindo, sola macca mpamanassai to apa tangnaissenpa tau na melo pahangna ke denni passalan. Ia joo tau disanga Daniel, nasangai too Beltsazar ambe'ta'. Melo ke ia ditambai nabattuanannii joo pangnguki' jio rinding.”

Daniel 4:8

Sanggenna mangngolo lako aku' to tonabarakka'i sininna dewata, iamo Daniel to mpusangai sanganna sala mesa'na dewatangku' disanga Beltsazar, namane' kucuritanni lako joo tindoku' kukua,