Daniel 1:6 - Alkitab Duri

⁶ Ia to kallolo, den appa' bati' to-Yehuda, iamo to Daniel, Hananya, Misael na Azarya.

Daniel 1:6 Referans Kwoze

Matius 24:15

Mpatarruhhi kadan-Na Puang Isa nakua, “La ngkita kamu' ‘apa to liwa' mecarepan’ dipake'deh lan Bola Puang Allataala, susi to mangka napau Nabi Daniel. (Ia to tombacai tee, la naissen meloi apa battuananna!)

Daniel 2:17

Mangkai joo too polemi Daniel lako bolana napau ngasanni sininna to apa mangka jaji lako Hananya, Misael na Azarya.

Markus 13:14

Mpatarruhhi kadan-Na Puang Isa nakua, “La ngkita kamu', ‘apa to liwa' mecarepan’ dipake'deh jio ngenan to tangsipato'na nanii. (Ia to tombacai tee la naissen meloi apa battuananna!) Ia joo wattu, ia to totorro jio tana Yudea la palai de' membuntunna.

Daniel 1:19

Lan kasipangkada-kadanna raja sola joo sininna kallolo, nanii nnissenni kumua ia to Daniel, Hananya, Misael na Azarya la'bih macca na ia to kallolo laenna, arannai dipilei tee kallolo appa' mangjama lan istana raja.

Daniel 2:25

Ta'pa malei Ariokh ssolan Daniel mangngolo lako Raja Nebukadnezar, na mangkada Ariokh lako raja nakua, “Nnampa'mo' sala mesa' to-Yehuda to dipali', wa'ding mpauanki' battuananna joo tindota'.”

Daniel 5:13

Ta'pa dipupangngoloi Daniel lako raja, nakutanaii kumua, “Ikomoraka Daniel to dipali' jio mai Yehuda tonna mangparenta Raja Nebukadnezar ambe'ku'?

Daniel 6:14

Mebali pole' omi to tau nakua, “Ia to Daniel sala mesa'na to todipali' jio mai tana Yehuda, cia' mpesa'dingngiki' na te'da naturu'i to parentata', kannori massambajang lako Allataala sipentallun sangngallo.”