Amos 8:9 - Alkitab Duri

⁹ Mangkada-I PUANG Allataala, Nakua, “Ia joo wattu la jajii to bongi'-bongi' ke tangngai allo, susii ke la lambunni to allo.

Amos 8:9 Referans Kwoze

Markus 15:33

Ia tonna tangngamo allo, memmapattang ngasanmi joo tondok tallung jang masainna.

Matius 27:45

Ia tonna tangngamo allo, memmapattang ngasanmi joo tondok, tallung jang masainna.

Lukas 23:44

Ia tonna tangngamo allo, agi-agi tatte' sangpulo dua te'damo namangngarrang to allo, namemmapattang ngasan joo tondok, angge tatte' tallu karuen.

Matius 24:29

Mpatarruhhi kadan-Na Puang Isa nakua, “Te'da namasai ke mangkami joo kamaparrisan, na te'damo namangngarrang to allo sola bulan. La sipolloranni to bintuin jao mai langi' na la mausa' ngasan to tontoe kuasa jao langi'.

Amos 5:8

Puang Allataala to mpaden bintuin jao langi', susinna bintuin Belantik na bintuin Kartika. Na Puang Allataala too nnatoro'i mpasisullei allo na bongi. Ia too to mparatu wai saba' jiong mai tasik Nabolloanni de' gantanan. Sininna joo PUANG Allataala to mpugaukki.

Amos 4:13

Puang Allataala to mpaden buntu sola angin. Napangpeissenanni lako tolino to to akkatta-Na. Ia mpadenni to allo na bongi, Nalumingka jao buntunna lino. PUANG Allataala to makuasa iamo sangan-Na.

Pengkitanna Yahya 8:12

Ia to malaeka' mangpenna'pa' mpannoni tarompe'na, na ia to allo, bulan na bintuin sita'dean ngasan sangtawa tallu wattunna mangngarrang. Jaji, ia to allo sangtawa tallu wattunna te'da namangngarrang, susi too to bulan na bintuin ke bongii.

Pengkitanna Yahya 6:12

Mangkai joo too kukita omi tonna piakki Anak Bembala' to segel mangpennannan, nata'pa nino liwa' tonggo. Na ia to allo memmalotong susi dodo ampe' lotong, namemmalea to bulan susi rara.