Amos 7:2 - Alkitab Duri

² Ia tonna la cappu'mo to tananan jio padang nakande batik, meta'damo' lako Puang Allataala kukua, “Oo PUANG Allataala, addampanganni to umma'-Ta' to malamma dikka', na tangnakulle mperasai pangsessa!”

Amos 7:2 Referans Kwoze

Pengkitanna Yahya 9:4

Apa tangdieloran nggajatan reu, garonto' kaju na tananan laen. Ia mandara la nasessa to tau te'da tanda jio mai Puang Allataala jio kidena.

Amos 7:5

Meta'dana' lako Puang Allataala kukua, “Oo PUANG Allataala, danggi' Tapajajii joo pangsessa sanga malamma to umma'-Ta', tangnakulle mperasai joo pangsessa!”

Daniel 9:19

Oo Puang Allataala to kusompa, pesa'dingngii tee peta'danku', parinawamokan, Taaddampangankan. Ia ke wa'dingngi Tapupenjajimi silalona to peta'danku', dikua na Kita' to dipakala'bih, sanga ia to kota Yerusalem kota-Ta', na ia to kami' umma'-Ta' to Tapileimo.”

Amos 4:9

Mangkada-I Puang Allataala Nakua, “Mangka-Mo' mparatu allo malussu na simalajuan to tananan, mpaden too-Na' ulli' to ngkande tanananmi sola anggoro' lan bara'bahmi. Na ia to garonto' ara sola garonto' zaitunmi, cappu' nakande batik. Apa moi nasusi joo, te'da unapa mibalik lako Aku'.” Susimi joo kadan-Na PUANG Allataala.