Amos 7:12 - Alkitab Duri

¹² Nakua Imang Amazia lako Nabi Amos, “Ee nabi, pole lakomoko tana Yehuda kampongmu, najiopa munii mpau pepasan-Na Puang Allataala. Na tau jio toopa mbenko to apa la mukande.

Amos 7:12 Referans Kwoze

1 Korintus 2:14

Ia to tote'da naampui Roh Allataala, te'da natarimai to apa naajaranni Roh Allataala, nasaba' nasangari ia curita tangtongan. Te'da nakullei mpahangngi apa to naajaranni Roh Allataala, sanga iapi napahangngi ke denni Roh Allataala lan kalena joo tau mpapahangngii.

Matius 8:34

Messun ngasanmi to tau lan mai kota mpessitammui Puang Isa. Ia tonna sikitamo, meta'da tongan-tonganni kumua nasalaii joo tana Gadara.

1 Petrus 5:2

ammiparakai meloi to taun-Na Puang Allataala to napabarakkanan kamu' la mijagai. Susimo kamu' tomangrewa-Na njagai bembala'-Na. La mario bang kamu' mpugaukki tee jaman. Iamo joo nakabudai Puang Allataala mipugauk. Danggi' mimangjama susi to diparukura. Danggi' mipugaukki joo jaman, nasaba' gajira mikadoangngi, apa sibalikanna nasaba' madoangra kamu' ntulung tau.

Roma 16:18

Ia to tosusi joo te'da namengkaunan lako Almaseh Puangta', apa naniiri ia mpemasannangngi penawanna. Melo bang to kadanna to la nanii nnuraga tomaruruh kaju dalle.

Jamanna Rasulu' 16:39

Anna male lako Paulus sola Silas meta'da dampang, namane' ssolanni sola dua lan mai pangtarungkuan, napeta'da tulungngi namessun lan mai kota.

Lukas 13:31

Ia joo wattu den ba'tu pira-pira to-Farisi ratu lako Puang Isa nakua, “Melo ke tasalaii tee kampong, nasaba' madoang Raja Herodes la mbunoki'.”

Amos 2:12

Mangkada-I Puang Allataala Nakua, “Miparukui to to-nazir nniso' anggoro', nate'damo napugaukki to passapahna. Tangmieloran too to nabi mpangpeissenan kadang-Ku'.

Amos 7:11

Nakua, ‘Ia to Raja Yerobeam la mate dipa'dangngi, na ia to to-Israel nang la malei dipali' mambela jio mai tanana.’ ”