Amos 7:10 - Alkitab Duri

¹⁰ Den kapala imang jio kota Betel disanga Amazia, ngkiring pepasan lako Yerobeam, rajana to-Israel, susi tee, “Ia to Amos la mangngattai mesa' penawa sola tobuda la nnewaki', la nnancuru' kaparentanta'.

Amos 7:10 Referans Kwoze

Matius 21:23

Male pole' omi Puang Isa lako rante Bola Puang Allataala, namangngajahhi. Ia tonna mangngajahhimo, ratumi to kapala imang sola pekaamberan to-Yahudi, namekutana nakua, “Apara napenggaronto'i mupugauk ngasanni joo? Indara mbenko kuasa?”

Jamanna Rasulu' 24:5

Kikanassaimo tee tau mbawa abala' la'da'! Iamo puanggawana tonturu' pangngajaran-Na Puang Isa, to-Nazaret. Umbo-umbo nanii tuli mpaden kamaricuan lan tangnga-tangngana to-Yahudi lan lili'na lino.

Jamanna Rasulu' 7:54

Ia tonna sa'dingngi tuu lako Pangbicara Agama sininna to napau Stefanus, gaja pallami nasunggarigi'.

Jamanna Rasulu' 5:28

Nakuanni, “Ee, kusanga mangkamo kamu' kianggai kumua danggi' lalo mipangpangngajaranni to Puang Isa. Ammipugauk pole' omi joo? Kannori mipatitaleh to pangngajaranmi lan lili'na kota Yerusalem, ammilantanda omokan kumua kami' ntumangngi namate joo tau.”

Lukas 23:2

Ntuu jio nanii mparapa'i. Nakua mangkada, “Kiampa'i tee tau mpatuju sala bangsata'. Nnajahhi tau cia' mbajah sima lako Tomaraja Roma, nasaba' nakua, iamo Raja Mangpasalama', battuananna nakua kumua iamo Rajaki'.”

Amos 1:1

Iamo tee to kadan-Na Puang Allataala to naparatu Nabi Amos, mesa' tomangrewa bembala' to to jio mai kota Tekoa. Ia tonna mangparenta to Raja Uzia jio tana Yehuda, na Raja Yerobeam anakkana Yoas mangparenta jio tana Israel, ntarimai pengkita jio mai Puang Allataala to Nabi Amos, apa to la jaji lako to-Israel. Duang taun mangkanna tee pengkita lako Amos, naden nino.

Amos 3:14

Ia to wattu Kunii ssessa to-Israel, saba' dosana, la Kupasiancuru'i sininna ngenan pangkaroban jio Betel na sile'toan to potokkona arannai polloh do' litak.

Amos 5:5

Danggi' male massompa lako kota Bersyeba. Danggi' too miangah-Na' inde' kota Betel nasaba' la dilanynya'i. Danggi' too mimale lako kota Gilgal, nasaba' ia to to-Gilgal nang la male dipali'.”

Amos 7:11

Nakua, ‘Ia to Raja Yerobeam la mate dipa'dangngi, na ia to to-Israel nang la malei dipali' mambela jio mai tanana.’ ”

Amos 5:10

Mikaba'ci to tompau katonganan ba'tu tomaruruh rra'tah kara-kara.