Amos 6:8 - Alkitab Duri

⁸ Massapah-Hi PUANG Allataala to makuasa mpau kale-Na Nakua, “Liwa' Kukaba'ci to kamatampoanna to-Israel. Na te'da Kupumasannangngi to istana ballona. La Kueloran to ewana ngkuasai kota lompona sola sininna to lan kota.”

Amos 6:8 Referans Kwoze

Amos 4:2

Iamo joo, Namangka massapah PUANG Allataala, mpau kale-Na Nakua, “Sitonganna te'damo namasain nadete'i wattunna midirui' ngasan mpake bassi pekabe' susi ke mangpekan bale.

Amos 8:7

PUANG Allataala to napakala'bih to-Israel mangka massapah Nakua, “Kukua tongan nang la Kuingaran tarruh to panggaukan gaja'na to-Israel!

Amos 3:11

Iamo joo na ia sininna kotana, la natalimbung ewana, naancuru'i to bentengna na ia to istanana dirampo'.

Amos 3:10

Mangkada-I PUANG Allataala Nakua, “Ia to tau mpake kamaparranganna rrampa ewanan, na patamai istana. Ia to tau te'da lalo kamarurusan napugauk.

Amos 5:21

Mangkada-I Puang Allataala Nakua, “Kukaba'ci na te'da bua'na to pangmaroasan agamammi, na ia to kasirempunanmi massompa mpatikollok-Na'.

Amos 8:3

Ia joo wattu ia to kelong lan bola passambajangan la menjaji bating, nasaba' umbo-umbo nanii silentenan to batang rabuk naca'bean buni tau.” Susimi joo kadan-Na PUANG Allataala.

Kada Bulawan 8:13

Ngkalaja' ngkasiri' Puang Allataala, battuananna ngkaba'ci panggaukan gaja'. Te'da kukabudaii to matampo sola majao penawa. Kukaba'ci to panggaukan gaja' sola kada pangnguraga.