Amos 5:5 - Alkitab Duri

⁵ Danggi' male massompa lako kota Bersyeba. Danggi' too miangah-Na' inde' kota Betel nasaba' la dilanynya'i. Danggi' too mimale lako kota Gilgal, nasaba' ia to to-Gilgal nang la male dipali'.”

Amos 5:5 Referans Kwoze

Amos 8:14

Ia to tau la tibambang ngasanni na te'damo nakullei mi'cok, nasaba' massapah mpau sanganna dewata Asima jio Samaria. Namassapah too nakua, “Nakitana' dewata to tuo jio Dan” ba'tu “Nakitana' dewata to dipakamoja' jio Bersyeba.”

Amos 4:4

Mangkada o-Mi Puang Allataala Nakua, “Ee to-Israel, malemo kamu' lako ngenan passompan jio kota Betel mipugauk kagajatan jio. Male too kamu' lako kota Gilgal, mipugauk kagajatan, mipassompan karoba ke makale' oi, mibawai tawa sangpulona to assele'mi ke ganna' omi tallung allo.

Pengkitanna Yahya 18:17

Apa sangjangra nata'de ngasan to kasugiranna.” Sininna to tonnangah katuoan jiong tasik, susinna tompamale kappala', pangkappala', na pangjama kappala' ke'deh mambela bang.

1 Korintus 2:6

Moi nasusi joo, mpakekan kapaissenanki' ke sipangkadamokan to masaranianmo. Na ia joo kapaissenanki' tangngia kapaissenan naajarankan tolino ba'tu kapaissenan to naampui to tongkuasaii tee lino, sanga la lanynya' joo tongkuasaii.

1 Korintus 1:28

Napilei Puang Allataala to nasanga tolino tomajiong torroanna ba'tu tote'da bua'na iarika totangdikasiri', anna lanynyasan ngasanni Puang Allataala to nasanga tolino parallu.

Amos 7:17

Nakua PUANG Allataala, ‘Ia to bainemu, la menjaji baine bandarang lan kota, na ia to anakkamu la mate dipa'dangngi. Na ia to tana muampui la nasitawa-tawai tau. La mate jioko kampongna tau. Na ia to to-Israel, nang la malei dipali' mambela.’ ”

Amos 3:14

Ia to wattu Kunii ssessa to-Israel, saba' dosana, la Kupasiancuru'i sininna ngenan pangkaroban jio Betel na sile'toan to potokkona arannai polloh do' litak.

Amos 7:10

Den kapala imang jio kota Betel disanga Amazia, ngkiring pepasan lako Yerobeam, rajana to-Israel, susi tee, “Ia to Amos la mangngattai mesa' penawa sola tobuda la nnewaki', la nnancuru' kaparentanta'.

Amos 7:13

Danggi'mo mumpau pepasan-Na Puang Allataala inde' kota Betel, nasaba' inde' kota Betel, den bola passambajangan mala'bih nanii raja massompa sola tobuda.”

Yosua 5:9

Nakuamo PUANG Allataala lako Yosua, “Ia too allo la diangga' pole'mo kamu', te'da nasusi tommijio tana Mesir dipukaunan.” Iamo joo nadisanga Gilgal joo ngenan ratu lako too allo.

Amos 1:5

Ia to salli' babangan kota Damsyik la Kusolangan, na ia to tau jio Lombok Awen sola tomangparenta jio Bet-Eden la dilanynya'i ngasan. Na ia to to-Siria la dipali' lako tana Kir.” Susimi joo kadan-Na PUANG Allataala.

Amos 7:9

Ia to sininna ngenan to nanii massompa bati'na Ishak la diancuru', na ia to bola passambajangna to-Israel, la diro'pokan ngasan. Na ia to bati'na Raja Yerobeam, la Kuewai mpake pa'dang.