Amos 5:23 - Alkitab Duri

²³ Soro'ii tuu kelong passompamu to metaruan. Cia'-Na' ssa'ding pangcu'bekanmu.

Amos 5:23 Referans Kwoze

Amos 6:5

Mikabudai ngkabua' kelong susi to napugauk Raja Daud, apa ia to mipukelong mpake cu'bekan, kelong tangkebattuan.

Amos 8:10

Ia to pangramean kamasannanganmi la Kupupenjaji kamasussan kamatean na ia to kelongmi la menjaji bating. La Kusessa ngasan kamu' mimanggalettung mimangpakean karung tandana kumua masussa kamu'. La susi kamu' to mbatingngi kamateanna anak mesa, arannai ia joo wattu menjaji allo kamasussan to liwa' memassean.”

Amos 8:3

Ia joo wattu ia to kelong lan bola passambajangan la menjaji bating, nasaba' umbo-umbo nanii silentenan to batang rabuk naca'bean buni tau.” Susimi joo kadan-Na PUANG Allataala.

Amos 5:22

Nang te'da Kukabudai to karoba ditunu pu'puh ba'tu kande mipassompan lako Aku'. Cia' too-Na' ntarimai to patuoanmi simaloppok to mipangkaroban menjaji pangkaroba kasikalinoan.

Amos 5:24

Apa iara to kamarurusan sola kameloan la mipugauk tarruh lako tokaasi-asi, susi wai sa'dan lolong tarruh.