Amos 4:5 - Alkitab Duri

⁵ Mpangkaroban kamu' roti, menjaji tanda kurru sumanga'mi lako Aku', mibawa toopa passompan canning atimmi dikua napuji kamu' tau, nasaba' susimi joo to mikabudai.” Susimi joo kadan-Na PUANG Allataala.

Amos 4:5 Referans Kwoze

Matius 6:2

Jaji, ia ammimangpangben, danggi' mipau-paui susi tomajekkong. Ia to tau susi tuu lako nakabudai mpugauk panggaukan makassing lan bola passambajangan, ba'tu jio lalan maroah, dikua nakitai tau napujii. La miingaran tee kadang-Ku' kumua, mangkami ia natarima to pahalana.

Roma 1:28

Napupangngelohnai Puang Allataala to tolino mangpikkiri' gaja', anna pugaukki to tangsipato'na, nasaba' nasangai kumua te'damo naparallu nnissen Puang Allataala.

Matius 23:23

Macilaka kamu' to guru agama sola to-Farisi, nasaba' tomajekkong kamu'! Ia to assele' tanananmi to tangkeangga'na susinna tulasi, bua adas na jintang, mipangben sangtawa sangpulona lako Puang Allataala. Apa ia to parenta kaminang parallu lan atoranna Nabi Musa te'da mipugaukki susinna: kamarurusan, mamase, nturu' pakkaeloran-Na Puang Allataala. Na iara joo to kaminang parallu la mipugauk, apa la mipugauk too to laenna.

Matius 15:9

Te'da bua'na ssompana', nasaba' ia to napangpangngajaran atoran tolino, butung to kumua mpangpangngajaran parenta-Ku'.’ ”

Amos 5:21

Mangkada-I Puang Allataala Nakua, “Kukaba'ci na te'da bua'na to pangmaroasan agamammi, na ia to kasirempunanmi massompa mpatikollok-Na'.

Amos 5:22

Nang te'da Kukabudai to karoba ditunu pu'puh ba'tu kande mipassompan lako Aku'. Cia' too-Na' ntarimai to patuoanmi simaloppok to mipangkaroban menjaji pangkaroba kasikalinoan.