Amos 4:11 - Alkitab Duri

¹¹ Mangkada-I Puang Allataala Nakua, “Mangkamo kamu' pira' Kulanynya'i susi tong-Kulanynya'i to to-Sodom na to-Gomora sola kotana. Na ia to tuo unapa lan alla'mi susimira to tampak kaju nasesa api to diala lan mai dapoh. Na moi nasusimo joo, te'da unapa mibalik lako Aku'.” Susimi joo kadan-Na PUANG Allataala.

Amos 4:11 Referans Kwoze

Yudas 1:23

Na ia ke den tau te'damo namatappa', la mipatuju rampa' pole'i anna dipasalama'. Iamo joo padami to mirui'i lan mai api naraka. Na ia ke den tooi tau to nturu' bang kamadoangan penawanna, kamaseii. Apa la majaga kamu', danggi' mipugauk toda dosa. Pakamoja'i to tomadosa, apa kaba'cii to dosana, pasusii pakean carepa.

Yudas 1:7

Ingaran tooi to tau torro jio kota Sodom na Gomora, sola tau jio kota mengguririkkina, napugauk todai susi to napugauk joo malaeka'. Ia tuu lako tau manggauk sala, nakabudai sigauk sala padanna muane ba'tu padanna baine, anna rabunnii Puang Allataala joo kota nakandei api sola to tau torro lan. Ia joo pangsessa susi joo menjaji pangpakainga' lako sininna tau, sanga susii to sessana api naraka dukku te'da cappa'na.

2 Petrus 2:6

Susi too nasessai Puang Allataala to-Sodom na to-Gomora tonna anu', nasaba' tangmangpesa'dingngi. Nasumpunni to kotana anna au mandamora torro. Iamo joo menjaji tanda kumua apa to la jaji lako togaja'.

Amos 4:6

Mangkada-I Puang Allataala Nakua, “Aku'mo to mparatu karorian la'da' lan sininna kotami, apa cia' bang unapa kamu' balik lako Aku'.” Susimi joo kadan-Na PUANG Allataala.

Pengkitanna Yahya 9:20

Ia tuu lako tau laen to mangkamo disessa apa te'da namate, te'da natorroii ssompa dewata to nagaraga susi tau-tau jio mai bulawan, salaka, tambaga, batu na kaju. Apa ia joo tau-tau mamang, te'da napakita ba'tu lumingka.

1 Korintus 3:15

Apa ia ke nakandei api, la kata'dean pahalana joo tompake'dehhi. Battuananna la salama' ia, apa susimira to kumua mpella'paranri kalena lan mai api.

Roma 9:29

Susi to mangka napau Nabi Yesaya tonna anu', “Ia kenna te'da napatorroi Puang Allataala to makuasa ci'di' to bati'ta', wa'dingmiki' lanynya' susi to-Sodom na to-Gomora.”