Amos 3:14 - Alkitab Duri

¹⁴ Ia to wattu Kunii ssessa to-Israel, saba' dosana, la Kupasiancuru'i sininna ngenan pangkaroban jio Betel na sile'toan to potokkona arannai polloh do' litak.

Amos 3:14 Referans Kwoze

Amos 9:1

Kukitai to Puang Allataala ke'deh siandah ngenan passompan Namangkada Nakua, “Peandongngii pa'tong to tampak ariri bola-Ku' jaoanna natiroge ratu do' batu aririnna, naro'pokkii to tau lan namate. Na ia to te'da namate, la mate lan kapararian, moi mesa' te'da la nasala.

Amos 2:8

Namamma' lan bola passambajangan mpennampah pakean to napangpetannian tokaasi-asi, na lan bola to nanii ssompa Allataala nanii mangiso'-iso' anggoro' to narampa jio mai tonapaindanni.

Amos 4:4

Mangkada o-Mi Puang Allataala Nakua, “Ee to-Israel, malemo kamu' lako ngenan passompan jio kota Betel mipugauk kagajatan jio. Male too kamu' lako kota Gilgal, mipugauk kagajatan, mipassompan karoba ke makale' oi, mibawai tawa sangpulona to assele'mi ke ganna' omi tallung allo.

Amos 7:10

Den kapala imang jio kota Betel disanga Amazia, ngkiring pepasan lako Yerobeam, rajana to-Israel, susi tee, “Ia to Amos la mangngattai mesa' penawa sola tobuda la nnewaki', la nnancuru' kaparentanta'.

Amos 7:13

Danggi'mo mumpau pepasan-Na Puang Allataala inde' kota Betel, nasaba' inde' kota Betel, den bola passambajangan mala'bih nanii raja massompa sola tobuda.”

Amos 7:9

Ia to sininna ngenan to nanii massompa bati'na Ishak la diancuru', na ia to bola passambajangna to-Israel, la diro'pokan ngasan. Na ia to bati'na Raja Yerobeam, la Kuewai mpake pa'dang.