Amos 3:11 - Alkitab Duri

¹¹ Iamo joo na ia sininna kotana, la natalimbung ewana, naancuru'i to bentengna na ia to istanana dirampo'.

Amos 3:11 Referans Kwoze

Amos 6:14

Apa mangkada-I PUANG Allataala to makuasa Nakua, “Ee to-Israel, la ssuana' surudadu jio mai bangsa laen la rrarii kamu', mangpamula jio mai lalan mangnguju lako Hamat, ratu sau' sa'dan jio Araba.”

Amos 2:5

Iamo joo Kulassumpunni to kota jio Yehuda arannai cappu' to benteng jio kota Yerusalem.”

Amos 6:8

Massapah-Hi PUANG Allataala to makuasa mpau kale-Na Nakua, “Liwa' Kukaba'ci to kamatampoanna to-Israel. Na te'da Kupumasannangngi to istana ballona. La Kueloran to ewana ngkuasai kota lompona sola sininna to lan kota.”

Amos 3:15

Ia joo wattu, la Kuro'pokan to sininna bola matonggo, iamo to bola diballo-balloi gading, to bola dipake ke wattu macakke' ba'tu bola dipake ke wattu pealloan.” Susimi joo kadan-Na PUANG Allataala.

Amos 3:10

Mangkada-I PUANG Allataala Nakua, “Ia to tau mpake kamaparranganna rrampa ewanan, na patamai istana. Ia to tau te'da lalo kamarurusan napugauk.