Amos 3:10 - Alkitab Duri

¹⁰ Mangkada-I PUANG Allataala Nakua, “Ia to tau mpake kamaparranganna rrampa ewanan, na patamai istana. Ia to tau te'da lalo kamarurusan napugauk.

Amos 3:10 Referans Kwoze

2 Petrus 3:5

Naanggai' cia' nningaranni kumua mangkada mandai to Puang Allataala naden langi' sola lino. Mangkada omi mpasisarakki to wai na gantanan, napajan joo gantanan jiong mai wai.

Amos 6:12

Te'da nakullei to nyarang kinjara' jao buntu batu, te'da too tau ngkullei ntengko tasik mpake sapin. Susi toomi joo ke mpasibalikan kamu' kamarurusan sola katonganan menjaji tangtongan, wa'ding napumate tau.

Amos 5:7

Macilaka kamu' nasaba' te'da mimaruruh rra'tah kara-kara, mibalikanni to katonganan.

Amos 6:3

Ee kamu' to macapa', misangari kumua ia to wattu pangsessa la masainpa, apa panggaukanmi napusaba' namadoi' ratu to pangsessa lako kalemi.

Amos 6:8

Massapah-Hi PUANG Allataala to makuasa mpau kale-Na Nakua, “Liwa' Kukaba'ci to kamatampoanna to-Israel. Na te'da Kupumasannangngi to istana ballona. La Kueloran to ewana ngkuasai kota lompona sola sininna to lan kota.”

Kada Bulawan 1:13

Taalaii to ewanan makeangga'na, taissii ewanan dirampa to bolata'.

Kada Bulawan 11:16

Ia to baine messipa' melo, kadianggasan to natarima, apa ia to muane masa'ga' kasugiranra naampa'.

Kada Bulawan 28:5

Ia to togaja', te'da napahangngi to maruruh mangra'tah, apa ia to tossompa Puang Allataala gaja napahang.

Amos 4:1

Pesa'dingii, ee kamu' baine to-Samaria, to makuttu na siloppokan susi sapin Basan. Misessa to tokaasi-asi, mipakario-rio to toparallu ditulung, misua to muanemi mpasadia pangngiso' melangoan mimangngiso' sola mpesannangngi kalemi.