Amos 2:7 - Alkitab Duri

⁷ Napakario-rioi to tokaasi-asi na te'da too naangga'i lan kampongna. Ia to ambe' sola anakkana muane manggauk sala lako mesa' anaqdara. Ia joo panggaukanna ncarepai sangang-Ku'.

Amos 2:7 Referans Kwoze

Amos 5:12

Kuissen kumua, liwa' buda kagajatan sola dosa mipugauk. Mpasala kamu' to maruruh penawanna, mimadoang too disede doi', arannai te'da mimaruruh rra'tah kara-karana to tokaasi-asi.

1 Korintus 5:1

Sitonganna denmo kareba napauanna' tau kumua den kamu' to manggauk sala liwa' gaja'. Den padanta' tomatappa' sibali indo porona. Ia una ia to tote'dapa naissen Puang Allataala, te'da ia napugaukki to susi joo!

Roma 2:24

Den diuki' lan Sura' Allataala kumua “Ia to Puang Allataala napau gaja' bangsa laen, nasaba' sipa'mi kamu' to-Yahudi.”

Amos 8:4

Mangkadami Amos nakua: Ee mangpesa'ding kamu' to tompakario-rio tokaasi-asi.

Amos 4:1

Pesa'dingii, ee kamu' baine to-Samaria, to makuttu na siloppokan susi sapin Basan. Misessa to tokaasi-asi, mipakario-rio to toparallu ditulung, misua to muanemi mpasadia pangngiso' melangoan mimangngiso' sola mpesannangngi kalemi.

Kada Bulawan 28:21

Te'da namelo to mpasilaenan tau, apa den to tomangra'tah kara-kara moi doi' ci'dira namemmajekkong.

Amos 5:11

Mipakario-rio to tokaasi-asi mirampa too to gandumna. Iamo joo moi ngkabua' kamu' bola ballo, te'da milantorroii. Moi mitanannii anggoro' to bara'bahmi, te'da too milapebuaii to assele'na.