3 Yahya 1:7 - Alkitab Duri

⁷ Nasaba' malemo mpangpeissenan pangngajaran-Na Almaseh, nacia'i ntarima pangtulungan jio mai tote'da naissen Puang Allataala.

3 Yahya 1:7 Referans Kwoze

Pengkitanna Yahya 2:3

Ia tommidipakario-rio nasaba' Aku', sabbara' kamu' na te'da mika'tu rannu.

Kolose 1:24

Ia to tomatappa' lako Almaseh wa'ding dipasangrapang batang kale-Na. Jaji, maparri' to batang kaleku' tee too susi Almaseh maparri' tonna anu', nasaba' jamanku' mbalii to tomatappa'. Iamo joo kumasannang, ke maparri'na' sanga kubalii kamu'. Na ia tee kamaparrisanku' la ngganna'i sininna kamaparrisan to la naperasai tomatappa' lako Almaseh.

2 Korintus 12:13

Umbora kukua mpamajiong kamu' na jamaa laen? Ia mandara kuissen kupusala kumua te'da kupeta'dai kamu' to la kuputuona. Ia ke susii pale' joo, dampangan bangmo', sanga tangmaruruhna'!

2 Korintus 4:5

Tangngia kaleki' tee kipangpekareban, apa karebanna Puang Isa Almaseh kumua Iamo Puang, na kami'mo kaunanmi situru' pakkaeloran-Na Puang Isa.

1 Korintus 9:18

Na ia ke susii joo, apara saroku'? Iamo saroku' to kumua tangssussaina' moi mesa' tau mpangpeissenanni joo Kareba Kasalamatan, nasaba' te'da kuangahhi to sipato' la kupusaro.

Jamanna Rasulu' 9:16

Na Aku' kalena la mpakitanni sininna kamaparrisan to la naperasai nasaba' Aku'.”

Jamanna Rasulu' 8:4

Ia to tomatappa' sisarak-sarak male llelei sininna kampong mpangpeissenan Kareba Kasalamatan jio mai Puang Allataala.

Jamanna Rasulu' 5:41

Masannang to rasulu' messun lan mai joo kasirempunan Pangbicara Agama, sanga narekenmo Puang Allataala sipato' dipakario-rio, nasaba' kamatapparanna lako Puang Isa.

Yahya 15:21

Na la nasessa kamu', sanga mituru'na' na te'da too naissenni to Ambe' to ssuana'.

Jamanna Rasulu' 20:33

Moi mesa' tau te'dapa naden kukadoangngi apanna, doi'na ba'tu pakeanna.

Jamanna Rasulu' 20:35

Budamo to kupakitan kamu' la miala palelean mata kumua sila'da'ki' mangjama ntulung to totangpakulle. La miingaran to apa mangka napau Puang Isa nakua, ‘La'bih masannang ia to mangpabengan na ia to mangtarima.’ ”

Filipi 2:9

Iamo joo nagaja mpamajaoi Puang Allataala, nabenni kuasa kaminang majao,

3 Yahya 1:8

Iamo joo kita'ra la ntulungngi to padanta' tomatappa' to susi joo. Ia ke tatulungngi, padamiki' toturu' todamo mpangpeissenan pangngajaran tongan jio mai Puang Allataala.