3 Yahya 1:14 - Alkitab Duri

¹⁴ Ia ke naeloranna' Puang la madoi'na' ssikitanko tasipangkada-kada.

3 Yahya 1:14 Referans Kwoze

1 Petrus 5:14

Sisalama' mellong kamu'. Dennaa upa' anna Puang mben kamu' kamasannangan sanga memmesa' penawa kamu' sola Almaseh. Padamo jolo' too. Sallangki' mati', Petrus.

Efesus 6:23

Dennaa upa' na Ambe'ta' Puang Allataala sola Puang Isa Almaseh mpupenjaji sininna taun-Na masannang, sipakamoja', sola da'tan matappa' lako Almaseh.

Galatia 5:16

Ia to kusanga iamo to: Ake'mo na Roh Allataala mpatuju kamu' lan katuoanmi, dikua nate'da mituru'i kamadoangan gaja'mi.

Daniel 4:1

Iamo tee sura'na Raja Nebukadnezar to dikiring lako sininna bangsa, rapu tau na basa lan lino. Nauki' raja susi tee, “Salama' lako kamu', dennaa upa' miampa' buda barakka'.

Yahya 10:3

Ia joo tomangngampa babangan natimbakanni, namentama joo tomangrewa. Ia to bembala'na mpesa'dingngi to gamaranna, ke natambai simesa'-mesa'i to sanganna, nasolanni messun.

Yahya 20:19

Ia tonna bongimo, allo Aha' ia bang unamo joo, nasirempun to anak gurun-Na Puang Isa lan bola dilacak, nasaba' malaja'i lako pekaamberan to-Yahudi. Ta'pa ratui Puang Isa ke'deh lan tangnga-tangngana, namangkada nakua, “Salama' kamu', mimasannang!”

Yahya 20:21

Nadadu' pole'i Puang Isa mangkada nakua, “Salama' kamu', mimasannang. Susi Ambe' ssuana', susi toomi Aku' ssua kamu'.”

2 Yahya 1:12

Gaja budapa to parallu la kupauan kamu', apa mbai la'bih melo ke danggi' omo nadiuki'. Ia ke den naeloranna' Puang la malena' mati', tasipangkada-kada antamario tongan.