3 Yahya 1:10 - Alkitab Duri

¹⁰ Ratupa' mati', kupau ngasanni to panggaukan gaja'na, iamo to naanggasankan kada. Te'da na ia manda joo, apa ia tonna ratu to padanta' tomatappa', cia'i ntarimai, kannori naanggai to tau madoang ntarimai, napasunni lan mai jamaa.

3 Yahya 1:10 Referans Kwoze

Kada Bulawan 10:10

Inda to mangkidi' mata la mpaden kamasussan, ia to tomangkada tangkebattuan la masolang.

2 Korintus 13:2

Ia tongkutorro iti' mangpenduan, mangkamo kupangngingaran to tompugauk dosa. Na ia tee too, ke te'dapa kuratu mati' mangpentallun, kudadu' to pangngingaranku' lako joo tau na tau laen, kumua ia ke ratumo' mati', te'damo nala'pah jio mai pangcallaku'.

Lukas 6:22

Masannang kamu', ke dikaba'ci kamu', ke diula'i kamu', ke dicacca kamu', sola ke disanga kamu' togaja', nasaba' mituru'na' Aku', Anak Mentolino.

Kada Bulawan 10:8

Ia to tomacca ntarima melo pangpakainga', apa ia to tomangkada tangkebattuan la masolang.

3 Yahya 1:5

Ee, tokupakamoja'! Liwa'mo budanna to pangtulungmu lako padanta' tomatappa', moi to tote'dapa muissenni.

Yahya 9:22

Naanggai' to tomatuanna mangkada susi joo, sanga malaja'i lako pekaamberan to-Yahudi. Mangkamo nasituru'i kumua, ia to tonnakui kumua Raja Mangpasalama' to Puang Isa, la dipassala, na te'damo nadieloran mentama bola passambajangan.

Jamanna Rasulu' 1:15

Den wattu, tonna sirempun agi-agi saratuh duang pulo tomatappa', ke'dehmi Petrus mangkada nakua,

Galatia 6:10

Iamo joo ia naden unapa wattu dibenki', tamanggauk melo lako padanta' rupa tau, la'bih pole'pa lako sile'to padanta' to matappa'.

1 Timotius 5:13

Mpangbiasa bangmi kalena makuttu, male lako male jio bang mai mentama bolana tau. Na la'bih gaja'pi to napugauk, mpau gaja' tau laen, njama tangngia jamanna, na ncurita apa tangkebattuan.

2 Yahya 1:10

Jaji, ia ke denni tau ratu, na te'da na pangngajaran-Na Almaseh napangpangngajaran, danggi' mitarimai mentama bolami, na danggi' too ssuju'i.

2 Yahya 1:12

Gaja budapa to parallu la kupauan kamu', apa mbai la'bih melo ke danggi' omo nadiuki'. Ia ke den naeloranna' Puang la malena' mati', tasipangkada-kada antamario tongan.

3 Yahya 1:3

Den ba'tu pira-pira padanta' tomatappa' ratu inde', na gaja sannangna' ssa'dingngi tonna curitai kumua da'tanko matappa' lako Puang Allataala ammuturu' tarruhhi to pangngajaran-Na.