2 Yahya 1:9 - Alkitab Duri

⁹ Ia to tocia' ngkatappa'i pangngajaran-Na Almaseh apa nakabudairi to pangngajaran laen, te'da ia namesa' penawa sola Puang Allataala. Apa ia to toda'tan nturu' pangngajaran-Na Almaseh, mesa' penawa ia sola Ambe' na Anak.

2 Yahya 1:9 Referans Kwoze

Kolose 3:16

La mipallan penawa tarruhhi to pangngajaran-Na Almaseh ammituru'i. La da'tan bang kamu' siajaran misipakainga' too mpake sininna kapaissenanmi. La macanning atimmi mangkurru sumanga' lako Puang Allataala mimakkelong Zabur, kelong pangpujian ba'tu kelong laen.

1 Yahya 1:3

Ia to apa mangkamo kikita sola kisa'ding, ia toomo kipangpeissenan lako kamu', dikua antamesa' penawa. Na te'da na ia manda joo, apa mesa' penawaki' sola Ambe', Puang Allataala, na Anak, Puang Isa Almaseh.

Jamanna Rasulu' 2:42

Nalundukki tarruh melajah lako rasulu' to tau. Na tuli sirempun too kumande sola, mpugauk Kakumandean Macero na massambajang.

Titus 2:10

te'da nakaala-ala, apa la mpangpekitanni kumua wa'ding dikatappa'i. Ianna massipa' susimo joo, la tuli napujii tau to pangngajaran-Na Puang Allataala, Tomangpasalama'ta'.

Yahya 15:6

Ia to tote'da namemmesa' sola Aku', la dica'bean lako salean, namerrangko susi rangko anggoro' to disembangngi. Ia joo rangko dirempun nadisumpun.

Yahya 14:6

Mebalimi Puang Isa nakua, “Aku'mo minii nnissen Puang Allataala sola nnampa' katuoan. Moi mesa' tau te'da nakullei ratu lako Ambe', ke te'dai kupuissenni.

Yahya 5:23

Napugaukki Ambe' susi joo, nakua nakasiri'na' sininna tau, susi tau ngkasiri' Ambe'-Ku'. Ia to tocia' ngkasiri'na', te'da toda nakasiri'i Ambe'-Ku' to ssuana'.

Lukas 10:22

Nakuapa Puang Isa, “Sininna apa naben ngasanmo' Ambe'. Na te'da mesa' tau nnissenni to Anak, saliwanna Ambe'. Te'da too mesa' tau nnissenni to Ambe', saliwanna Aku' Anak, sola ia to tokupueloh kupaissenni.”

Ibrani 6:1

Iamo joo melo ke mipamulai mpelajahhii to pangngajaran kasaranian to sipato' dipangngajaran lako to masaranianmo, danggi' na ia manda mipelajahhi to bungah pangngajaran. Danggi' omo na ia midadu'-dadu' bang to bungah pangngajaran to kumua la tatorroimi mpugaukki to apa te'da bua'na, na la matappa' lako Puang Allataala,

Ibrani 3:14

Sanga kita' ngasanmo nnampa' barakka' jio mai Almaseh, ke matappa' tarruhki' susi tontamane' matappa' ratu lako ssalainta' lino.

Matius 11:27

Nakuapa Puang Isa, “Sininna apa mangka ngasanmo' naben Ambe'. Na te'da mesa' tau nnissenni to Anak, saliwanna Ambe'. Te'da too mesa' tau nnissenni to Ambe', saliwanna Aku' Anak, sola ia to tokupueloh kupaissenni.

Yahya 8:31

Nakua Puang Isa ngkuanni to tomatappa'mo lako kale-Na, “Ia ke mituru'mi to pangngajah-Ku', tongannamo kamu' anak gurung-Ku',

3 Yahya 1:9

Mangkamo' ngkiringanni sura' mati' to jamaa, apa ia to Diotrefes to madoang menjaji puanggawa, cia'i mpesa'dingngina'.