2 Timotius 1:8 - Alkitab Duri

⁸ Iamo joo la baranimoko mpangpeissenanni to Puangta' Puang Isa lako tau laen, na danggi' too mukasirisanna', to ditarungku nasaba' nturu'na' Puang Isa. Apa sibalikanna, la maparri'ko susi aku', nasaba' mpangpeissenanko Kareba Kasalamatan, situru' kapakullean to nabenko Puang Allataala.

2 Timotius 1:8 Referans Kwoze

Roma 1:16

Kukatappa'i tongan kumua ia to Kareba Kasalamatan iamo kuasan-Na Puang Allataala. Iamo carana Puang Allataala mpasalama' tomatappa' lako Puang Isa, la to-Yahudi, la bangsa tangngia to-Yahudi.

Markus 8:38

Ia to tongkasirisanna' na te'da naakui to pangngajaran-Ku' lan tee wattu to nanii gaja' sipa'na natangmatappa' ngasanmo to tau, la kukasirisan todai tee Aku', Anak Mentolino, ke ratuna' sola malaeka'-Ku', mpupangngarrang kamala'biran-Na Ambe'-Ku'.

2 Timotius 4:5

Apa ia to iko, la mangngingaranko moi apa to jaji. La sabbara'ko moi muoloi buda parri'. La mupangpeissenan tarruhhi to Kareba Kasalamatan. Na susi mesa' tompangjaman Puang Allataala la mujamai moi apa nasuanko.

Pengkitanna Yahya 12:11

Mangkami nataloi padanta' tomatappa' mpake rara-Na Anak Bembala' ba'tu rara-Na Puang Isa na Kareba Kasalamatan to mangkamo napangpeissenan. Te'da najampangngi sunga'na moi na la mpumatei.

2 Timotius 2:9

Ditarungkuna', angkumaparri' butung togaja', nasaba' mpangpeissenanna' Kareba Kasalamatan. Apa ia to kadan-Na Puang Allataala te'da nawa'ding dikammatan.

2 Timotius 1:12

Iamo joo angkumaparri' susi tee lan pangtarungkuan. Apa te'da kukasirisanni, nasaba' kukanassai inda to kukatappa'i. Na kuissen kumua apa to napabarakkanna', makuasa too njagai sanggenna Kiama' lino.

Efesus 3:1

Ia tee aku' Paulus ditarungkuna', nasaba' mpangpeissenanna' Puang Isa Almaseh lako kamu' bangsa tangngia to-Yahudi.

Filipi 3:10

Ia to gaja kukadoangngi iamo to nnissen Almaseh, sola mperasaii to kuasa mpatuo pole'i jio mai kamatean. Madoang toona' mperasai parri' sola kamatean susi to naperasai Almaseh,

Lukas 9:26

Ia to tongkasirisanna' na te'da naakui to pangngajaran-Ku', la kukasirisan todai tee Aku', Anak Mentolino, ke ratuna' mpupangngarrang kamala'biran-Ku' to susi una kamala'biran-Na Ambe'-Ku' na kamala'biranna malaeka'-Ku'.

2 Timotius 1:16

Dennaa upa' napakitanni Puang kameloan penawan-Na to repokkona Onesiforus, nasaba' ia to Onesiforus tatta'i mpamariona' na te'da nakasirisanna' moi kuditarungku.

Efesus 4:1

Ia tee aku', to ditarungku nasaba' mpangjamanna' Puang, meta'dana' lako kamu' kumua ia to sipa'mi la sipato' susi sipa'na umma'-Na Puang Allataala, nasaba' mangkamo kamu' dipilei menjaji umma'-Na.

Pengkitanna Yahya 1:9

Ia tee aku', Yahya, padammi tomatappa'. Dipakario-rio todana' susi kamu', sanga umma'-Na todana' Puang Allataala. Iami joo napasabbara' todana' Puang Isa susi kamu'. Dipali'na' ntee pulau Patmos, sanga mpangpeissenanna' kadan-Na Puang Allataala sola mpauna' kasa'bianku' to curitanna Puang Isa.

Yudas 1:24

Pujii to Puang Allataala, nasaba' makuasa nnampai kamu', ammitatta' matappa', na te'da caccami, mimasannang too sanggemmi mangngolo lako Ia to torro lan kamala'biran-Na.

1 Petrus 1:5

La naben ngasan kamu' joo, nasaba' matappa' kamu' lako Puang Allataala. Jaji, naampai kamu' kuasan-Na Puang Allataala, ammitarima kasalamatan to sadiamo la naben kamu' ke Kiama'mi lino.

2 Timotius 2:3

La maparri'ko sola umma'-Na Puang Isa Almaseh, susi surudadu to nturu' bang parenta.

1 Tesalonika 3:4

Ia tontasola unapa, kipauan jolomo kamu' kumua la maparri'ki'. Tongan joo kada sanga mangkamo taperasai to parri'.

Filipi 1:7

Sipato'na' mangpikkiri' susi joo, nasaba' kupakamoja' kamu' na mituru' toomi to jaman mangka dipabarakkananna', la lanna' pangtarungkuan, la ia ke mpangpeissenanna' Kareba Kasalamatan iarika mpamanassai kumua tongan joo Kareba.

Efesus 3:13

Iamo joo kumeta'da lako kalemi kumua, danggi' napumoro'i penawammi ke maparri'na' lan pangtarungkuan nasaba' kamu'. La mipumelona joo sola ngasan.

Roma 16:25

Pakala'bihhi to Puang Allataala! Iamo to kuasan-Na mpamawatang kamatapparanmi situru' Kareba Kasalamatan jio mai Puang Isa Almaseh to kupangpeissenan. Ia tee Kareba te'da naissenni tau tempon jio mai dipadenna lino,

1 Yahya 4:14

Kikitamo kami' na kipangpeissenan toomo kumua nasuami Ambe' Puang Allataala mentolino to Anak Allataala anna pasalama'i to tolino.

2 Timotius 4:17

Apa naampaimo' Puang, naben toomo' kapakullean, angkuwa'ding mmangkai jamanku' mpangpeissenan Kareba Kasalamatan lako sininna bangsa tangngia to-Yahudi inde', napasalama'na' Puang jio mai kamatean.

Filipi 4:13

Kukulle to sininna apa, sanga Puang Isa Almaseh mbenna' kapakullean.

Roma 9:33

susi to diuki' lan Sura' Allataala kumua, “Pesa'dingngii tee, ‘Den mesa' tau kupajio kota Sion to dipasangrapang batu katitodoan. Ia joo batu nanii titodo tau na buda tau nalolinan. Apa ia to tongkatappa'i, te'da naladipakasiri'.’ ”

Jamanna Rasulu' 5:41

Masannang to rasulu' messun lan mai joo kasirempunan Pangbicara Agama, sanga narekenmo Puang Allataala sipato' dipakario-rio, nasaba' kamatapparanna lako Puang Isa.

Pengkitanna Yahya 19:10

Suju'na' jio olona joo malaeka' la ssompai, apa napangkadaina' nakua, “Danggi'! Danggi' sompana'. Puang Allataalara musompa! Nasaba' pada todisuariki' sola to sile'tomu to nturu' pangngajaran-Na Puang Isa!” Ia joo pangngajaran-Na Puang Isa iamo mpamasumanga' nabi.

Pengkitanna Yahya 1:2

Kuuki'mi sininna to apa kukita. Na inde'mi to pengkitangku'. Iamo joo pepasan-Na Puang Allataala na kasa'bian-Na Puang Isa Almaseh.

1 Korintus 1:6

Iamo mpamanassai kumua ia to pangngajaran jio mai Almaseh mikatappa'i tonganmo,

Yahya 19:35

Ia to tongkitai joo apa jaji, iamo ncuritai, ammimatappa' toda. Na tongan joo kadanna, na naissen kumua tongan to napau.

Kolose 1:24

Ia to tomatappa' lako Almaseh wa'ding dipasangrapang batang kale-Na. Jaji, maparri' to batang kaleku' tee too susi Almaseh maparri' tonna anu', nasaba' jamanku' mbalii to tomatappa'. Iamo joo kumasannang, ke maparri'na' sanga kubalii kamu'. Na ia tee kamaparrisanku' la ngganna'i sininna kamaparrisan to la naperasai tomatappa' lako Almaseh.

Efesus 4:17

Kuasan-Na Puang kupangngingaran kamu' kumua, “Danggi' omo mimessipa' susi totangnturu' Puang Allataala.” Tangsipato'na bang to napikkiri' tuu lako tau,

2 Korintus 6:7

mpangpeissenankan pangngajaran tongan jio mai Puang Allataala, napajan kuasan-Na lan jamanki'. Na ia tee sininna panggaukan meloki' kipake mpangngewai kaleki'.

Roma 8:36

Susi to diuki' jolomo lan Sura' Allataala kumua, “La nabunokan tau, dipasusikan bembala' la digere', nasaba' kituru'miki'.”

Yahya 15:27

Moi kamu' la mipangpeissenan toona', sanga sola bangmiki' jio mai pamulanna.

1 Timotius 2:6

to mangka mpangben kalena dipampang la lla'bak ngasan tolino jio mai kuasa dosa. Susimi joo to wattu pura napattantu napabuttii Puang Allataala kumua madoangngi mpasalama' ngasan tau.

Kolose 1:11

natuli mpamawatang kamu' kuasa mala'bih-Na, ammisabbara' mimario bang moi maparri' kamu',

2 Timotius 1:10

Na ia tee too mentolinomi to Puang Isa Almaseh, Tomangpasalama'ta', napakitan tonganmiki' to kameloan penawan-Na Puang. Iamo mangka ntaloi kuasa kamatean, anna pamanassai lako kita' to katuoan melo te'da cappa'na, ke ngkatappa'iki' Kareba Kasalamatan.

2 Timotius 2:8

Ingaran meloi tee! Situru' Kareba Kasalamatan to kupangpeissenan, ia to Puang Isa Almaseh, bati'na Raja Daud, mangka tuo pole' jio mai kamatean.