2 Timotius 1:7 - Alkitab Duri

⁷ Nasaba' ia to Roh Allataala nabenki' Puang Allataala, tangngia Roh mangpakalaja'. Apa sibalikanna ia joo Roh mpamawatangki', antakullei sipakamoja' sola nta'tan kaleta'.

2 Timotius 1:7 Referans Kwoze

Roma 8:15

Ia to Roh Allataala, to nabenki' Puang, te'da napukaunanki', anna te'da takalaja'i. Sibalikanna ia to Roh Allataala mpupenjajiki' anak Allataala, antawa'ding kumua lako Puang: “Ambe', ie' Ambe'ku'!”

1 Yahya 4:18

Ia to tomangka mperasai pangpakamoja'-Na Puang Allataala, te'da naissenni to disanga malaja', nasaba' ia to pangpakamoja' nta'dei to kamalajatan. Jaji, ia ke malaja'ki' kumua la nasessaki' Puang Allataala ke Kiama'mi lino, battuananna kumua te'dapa taperasai pangpakamoja'-Na Puang Allataala.

Galatia 5:22

Apa ia to tau nasolan Roh Allataala, melo panggaukanna: mangpakamoja', mario, masannang bang penawanna, sabbara', mabassa, melo penawa, mangngingaran tarruh,

Yahya 14:27

Kupatorroan kamu' to la mipumasannang, iamo to kamasannangan pole jio mai Aku'. Ia joo kamasannangan kuben kamu' te'da nasusi to naben kamu' tolino. Danggi' mimausa' ba'tu malaja'.

Lukas 10:19

Pesa'dingngii! Kubenmo kamu' kuasa miwa'ding ntaloi ulah bolong, singki'-singki', na la mitaloi ngasan too to kuasanna ewalimmi Ballisi', na te'da namangpanggaukan lako kamu'.

Jamanna Rasulu' 1:8

Apa la diben kamu' kuasa ke diparatuimo kamu' Roh Allataala, ammilampangpeissenanna' la jio kota Yerusalem, la lan lili'na tana Yudea na Samaria, ratu lako randan langi'.”

Kada Bulawan 2:7

Ia mpasadian pangtulungan lako tomaruruh penawanna, Nabutung perisai llendungngi tote'da caccana.

Kada Bulawan 8:14

Aku'mo to mpakainga' tau kupangben pangpikkirisan melo. Aku'mo to mapahang kumawatang too.

Roma 5:5

Na ia joo kaparannuanta' te'da natangmpamasannangki', nasaba' ia to Roh Allataala nabenki' Puang Allataala, la mperasai pangpakamoja'-Na.

Ibrani 2:15

Susimi joo nawa'ding Puang Isa lla'paranki' jio mai kuasa kamatean. Dipukaunan tarruhki' jolona, sanga malaja'ki' lako kamatean.

Jamanna Rasulu' 20:24

Apa moi nasusi joo, te'da kucirinnai penawangku', podo wa'dingna' mpatarruhhi to jaman nasuanna' Puang Isa la llundukkii samateku' mpangpeissenanni to Kareba Kasalamatan kumua nakamaseiki' Puang Allataala.

1 Korintus 2:4

Ia tongkupangpeissenan Kareba Kasalamatan lako kamu', te'da kupake kada massede to la nnala penawammi susi kada tomacca. Apa ia to kuasan-Na Roh Allataala pajan lan kadangku'.

Lukas 24:49

Na Aku' kalena la mben kamu' kuasa susi to pura napau Ambe'-Ku'. Apa la torro kamu' lan ntee kota, ntajanni sanggenna ia to kuasan-Na Puang Allataala ngkuasai kamu'.”

Jamanna Rasulu' 10:38

Miissenmo kumua ia joo Puang Isa to-Nazaret mangkamo napilei Puang Allataala, naben tooi Roh Allataala sola kuasa. Miissen toomo kumua tuli malei mpugauk kameloan umbo-umbo nanii, na nnula'i setang lan mai kalena tonatamai, nasaba' Puang Allataala ssolanni.

1 Petrus 1:22

Mangkamo mipemeloi to sipa'mi, sanga nturu'mo kamu' pangngajaran tongan jio mai Puang Allataala na danggi' mianggai'-gai' bangri mpakamoja' padammi tomatappa'. Iamo joo la sipakamoja' tongan kamu'.

Jamanna Rasulu' 21:13

Apa nakua mpebalii, “Oo, danggi'mo dikka' mikillakkina', nasaba' samasse-massena penawangku'. Sitonganna macanning sininna bulu-bulungku', tangngia la dipumpung manda jio, apa dibuno toona', nasaba' Puang Isa.”

Kolose 1:8

Ia mpauankan kumua sipakamoja' tonganmo kamu', nasaba' kuasan-Na Roh Allataala.

Jamanna Rasulu' 6:8

Ia to Stefanus nabarakka'i Puang Allataala anna benni kuasa mpugauk tanda mejangngaran lan tangnga-tangngana tobuda.

Jamanna Rasulu' 9:22

Apa samasai-sainna Paulus mpangpeissenan Kareba Kasalamatan sabuda-budanna tooi tau matappa'. Na ia tonna pamanassai kumua Raja Mangpasalama' to Puang Isa, mempussakmi to to-Yahudi torro jio kota Damsyik.

Lukas 8:35

Simessunanmi to tau ngkitai to apa mangka jaji. Ia tonna ratumo lako to nanii Puang Isa, nakitami joo todiula'i to setang lan mai kalena cumadokko jiong to' aje-Na Puang Isa mangpakeanmo, na melomo pangngingaranna. Malaja' ngasanmi tuu lako tau.

Jamanna Rasulu' 26:25

Apa napebalii Paulus nakua, “Ie', matanana' kita' tomala'bih! Ia tee kadangku', kada tongan, kada tomalilingan na kutangngah mandalan kumane' mpaui.

Lukas 15:17

Mane'ri mangngingaran namangkada nakua, ‘Pira ia budanna to tau mpangjaman ambe'ku' nakala'bian kande, na aku' inde' la mate tangkumande!

Jamanna Rasulu' 26:11

Pembudana' ssessai lan bola passambajangan, kuparukui napessakkanni pole'i to Puang Isa. Tanda kamapallanku' lako, angkumale ntiroi moi jio kota laen.”