2 Timotius 1:12 - Alkitab Duri

¹² Iamo joo angkumaparri' susi tee lan pangtarungkuan. Apa te'da kukasirisanni, nasaba' kukanassai inda to kukatappa'i. Na kuissen kumua apa to napabarakkanna', makuasa too njagai sanggenna Kiama' lino.

2 Timotius 1:12 Referans Kwoze

2 Timotius 1:8

Iamo joo la baranimoko mpangpeissenanni to Puangta' Puang Isa lako tau laen, na danggi' too mukasirisanna', to ditarungku nasaba' nturu'na' Puang Isa. Apa sibalikanna, la maparri'ko susi aku', nasaba' mpangpeissenanko Kareba Kasalamatan, situru' kapakullean to nabenko Puang Allataala.

Yudas 1:24

Pujii to Puang Allataala, nasaba' makuasa nnampai kamu', ammitatta' matappa', na te'da caccami, mimasannang too sanggemmi mangngolo lako Ia to torro lan kamala'biran-Na.

1 Petrus 4:19

Iamo joo, ia ke den tau maparri' nasaba' nturu'mo pakkaeloran-Na Puang Allataala, la sande'i lako Puang Allataala na mpugauk tarruh kameloan. Sanga ia to Puang Allataala, to mpadenki', tuli napugauk to basse-Na.

2 Timotius 4:8

Na ia tee too dipasadianmo' paraseng kapataloan. Ia to Puang Isa, tomangra'tah tangbimbang, la mbenna' joo paraseng kapataloan ke Kiama'mi lino, nasaba' napupenjaji tomelona' Puang Allataala. Na tangngia aku' manda to la llolonganni, apa sininna to tomamali' ntajan karatuan-Na Puangta'.

Ibrani 7:25

Iamo joo na te'da lalo natorroii mpasalama' tau to mangngolo lako Puang Allataala mpau sangan-Na, sanga tuo tarruhhi la mpangkadananni lako Puang Allataala.

1 Timotius 6:20

Ee, Timotius! La mujagai melo to pangngajaran napabarakkananko Puang Allataala. Danggi' mumatean wattu lako curita tangkebattuanna to tangkasiri' Puang Allataala, mupasalai tooi penawa to kasite'geran te'da bua'na, to nasanga tau kamaccan apa sitonganna tangngia.

Roma 1:16

Kukatappa'i tongan kumua ia to Kareba Kasalamatan iamo kuasan-Na Puang Allataala. Iamo carana Puang Allataala mpasalama' tomatappa' lako Puang Isa, la to-Yahudi, la bangsa tangngia to-Yahudi.

Matius 24:36

Nakuapa Puang Isa, “Te'da tau nnissenni to wattu karatuan-Ku', moi malaeka' jao suruga, moi tee Aku', Anak, Ambe' manda ia to nnissenni.

1 Petrus 1:5

La naben ngasan kamu' joo, nasaba' matappa' kamu' lako Puang Allataala. Jaji, naampai kamu' kuasan-Na Puang Allataala, ammitarima kasalamatan to sadiamo la naben kamu' ke Kiama'mi lino.

2 Timotius 1:18

Na muissen kumua budamo pangtulungna lako kaleku' tongkujio kota Efesus. Dennaa upa' napakitanni Puang kameloan penawan-Na, ke nadete'mi wattunna Puang Allataala rra'tah kara-karana sininna rupa tau.

Filipi 3:21

Iamo la mpajajii tee batang kaleta' to tangmala'bih menjaji mala'bih susi kale-Na, mpake kuasan-Na to napake too ntaloi sininna apa.

2 Timotius 2:9

Ditarungkuna', angkumaparri' butung togaja', nasaba' mpangpeissenanna' Kareba Kasalamatan. Apa ia to kadan-Na Puang Allataala te'da nawa'ding dikammatan.

Filipi 3:10

Ia to gaja kukadoangngi iamo to nnissen Almaseh, sola mperasaii to kuasa mpatuo pole'i jio mai kamatean. Madoang toona' mperasai parri' sola kamatean susi to naperasai Almaseh,

Filipi 3:8

Kupurugi ngasan joo, nasaba' kupahang kumua la'bih melo to nnissen Puangku' Puang Isa Almaseh, na ia to laenna. Te'da ngasanmo kupugaukki, na kusangamira burauk, dikua angkuampa'i to Almaseh,

1 Korintus 3:13

Ia to jamanna tau pada la pajanni ke ratu pole'mi Almaseh la rra'tah kara-karana tolino, nasaba' ia joo wattu api la pada mpamanassai to jamanna.

Yahya 17:15

Te'da kumeta'da kumua antaalaimi lan mai lino tuu lako taun-Ta', apa meta'dara' lako kale-Ta' antaampaii jio mai kuasanna togaja'.

Matius 12:21

na sininna bangsa ia ngasan nanii mangrannuan.”

Roma 9:33

susi to diuki' lan Sura' Allataala kumua, “Pesa'dingngii tee, ‘Den mesa' tau kupajio kota Sion to dipasangrapang batu katitodoan. Ia joo batu nanii titodo tau na buda tau nalolinan. Apa ia to tongkatappa'i, te'da naladipakasiri'.’ ”

1 Petrus 4:16

Ia ke maparri' kamu' sanga Tosarani kamu', danggi' mipumasiri'i, apa sibalikanna la mpakala'bih kamu' Puang Allataala, nasaba' tonturu'mo kamu' Almaseh.

Ibrani 12:2

La tapugaukmi tapatuju lakoi Puang Isa to penawanta', to mpadenni to kamatapparanta', napupenjajiki' masaranian. Gaja mesirisan joo kamatean jao kaju sitamben. Apa moi nasusi joo te'da nasipattekanni, sanga ia manda naingaran to kamasannangan la naperasai undinna. Na ia tee too cumadokkomi jio kananna cadokkoan mala'bih-Na Puang Allataala namangparenta sola.

Ibrani 2:18

Na Ia una nadenmo namaparri', nadipengkulle-kullei ssedei mpugauk dosa. Iamo joo nakullei ntulungngi to todipengkulle-kullei toda disede danggi' na mpugauk dosa.

1 Tesalonika 2:16

Kannori naanggaikan mpangpeissenan karebanna Puang Isa lako bangsa tangngia to-Yahudi anna wa'ding dipasalama'. Susimi joo sakerangngan-rangnganna to dosana takkaliwa'mo budanna. Na katampakanna la nasessai Puang Allataala.

Filipi 1:20

Ia to kukadoangngi sola kurannuan, iamo to kumua te'da lalo kuladipakasiri', apa la barani tonganna' mpebalian Kareba Kasalamatan tee too, susi biasanna. Na ia ke susii joo, la dipakala'bih to Almaseh, nasaba' pebalingku', la tuoku', la mateku'.

Jamanna Rasulu' 21:13

Apa nakua mpebalii, “Oo, danggi'mo dikka' mikillakkina', nasaba' samasse-massena penawangku'. Sitonganna macanning sininna bulu-bulungku', tangngia la dipumpung manda jio, apa dibuno toona', nasaba' Puang Isa.”

Jamanna Rasulu' 13:50

Apa naarakki to-Yahudi to tomapangka' lan joo kotana sola baine to dipekapuangngi to ssompa toda Puang Allataala, nasessai to Paulus sola Barnabas, namane' nnula'ii sola dua lan mai joo tondok.

Jamanna Rasulu' 13:46

Apa kannori sabarani-raninna Paulus sola Barnabas ntarrusanni kada nakua, “Na kamu'mo to-Yahudi jolo' dipauan to kadan-Na Puang Allataala. Apa te'da mitarimai, mipattantu kamu' kumua te'da misipato' ntarima katuoan melo te'da cappa'na. Iamo joo kimale lako bangsa laen.

Jamanna Rasulu' 9:16

Na Aku' kalena la mpakitanni sininna kamaparrisan to la naperasai nasaba' Aku'.”

Jamanna Rasulu' 7:59

Da'tan bang unapi dirura batu to Stefanus, namassambajang nakua, “Oo Puang Isa, tarimai to sunga'ku'!”

Yahya 6:44

Moi mesa' tau te'da ngkullei ratu lako Aku', ke te'da na Ambe'-Ku' to ssuana' mpupembalikki to penawanna. Na ia to toratu lako Aku', la kupatuo pole' ke Kiama'mi lino.

Lukas 23:46

Naandongngi Puang Isa metamba nakua, “Oo, Ambe'! Kusorongmi mati' sunga'-Ku'!” Ia tonna mangka mangkada susi joo, ka'tumi sunga'-Na.

1 Tesalonika 5:4

Ee, tomala'bihku'! Ia to kamu' te'da nasusi sipa'mi to totangnnissen Puang Allataala. Jaji te'damo milasabakan ke ratui Puang Isa, susi tau sabakan ke denni taboko ratu.

Lukas 10:12

Ingaranni! Ia ke Kiama'mi lino, la'bih nasessai Puang Allataala to tau lan joo kota na ia to to-Sodom!”

Matius 7:22

Ia ke Kiama'mi lino, buda tau la mangkada lako kale-Ku' kumua, ‘Oo, Puang! Ia tongkipangpeissenan Kareba Kasalamatan ba'tu nnula'ikan setang sola mpugauk buda tanda mejangngaran, sangan-Ta' kipau.’

1 Korintus 1:8

Puangta' Puang Isa Almaseh Ia la mpamawatang kamu' mida'tan matappa' ratu lako cappa'na anna moi ci'di' te'da kasalanmi, ke ratu pole'mi.

2 Timotius 1:14

Pangtulung-Na Roh Allataala to torro lan kalemu, ammujagai melo pangngajaran to mangka dipabarakkananko.

2 Timotius 1:16

Dennaa upa' napakitanni Puang kameloan penawan-Na to repokkona Onesiforus, nasaba' ia to Onesiforus tatta'i mpamariona' na te'da nakasirisanna' moi kuditarungku.

Titus 3:8

Tongan tee kada mangka kupau. Madoangna' ammupangpangngajaran tonganni sininna joo, dikua anna ia to tomatappa'mo lako Puang Allataala natongan-tongannii mpugaukki to panggaukan melo na den bua'na lako tobuda.