1 Yahya 5:8 - Alkitab Duri

⁸ iamo to Roh Allataala, wai to dipake njio'i, na rara-Na to lolong. Ia tee tallu sangrupara mpamanassai, iamo to kumua mentolinomo to Puang Isa Almaseh.

1 Yahya 5:8 Referans Kwoze

Yahya 15:26

La kusua lako kalemi to tomangpakatana pole jio mai Ambe'. Iamo to Roh Allataala to la mpamanassai to pangngajaran tongan. Ia ke ratui, Ia mpangpeissenanna'.

1 Petrus 3:21

Na ia joo kajajian dipasangrapangngi pangjioran to mipusalama' tee too. Ia joo pangjioran tangngia mesa' cara mbasei batang kale danggi' nacarepa, apa ia to pangjioran mesa' peta'da lako Puang Allataala na la'paran kamu' jio mai kasalan. Napasalama' kamu', sanga mangkami tuo pole' Puang Isa Almaseh jio mai kamatean.

Roma 8:16

Roh Allataala sola penawanta' mpamanassai kumua anak Allataalaki'.

Markus 14:56

Moi buda tau menjaji sa'bi tangtongan, apa ia to kasa'bianna, sisala ngasan bang.

2 Korintus 1:22

Ia toomo mpaassahki' menjaji ampun-Na tonna benki' Roh Allataala menjaji butti lako kita' kumua la nabenki' to sininna apa mangka nabasseanki'.

Jamanna Rasulu' 15:15

Susi joo to mangka napau nabi. Sanga den diuki' lan Sura' Allataala susi tee:

Matius 28:19

Iamo joo malemo kamu' lako sininna bangsa lan lino, mipupenjajii taung-Ku'. Jio'i mpau sangan-Na Ambe', Anak na Roh Allataala.

Ibrani 13:12

Susi todami joo namate saleanan babangan kota to Puang Isa na ia to rara-Na mbasei dosana tolino.

Ibrani 6:4

Ia ke denni tomatappa'mo lako Puang Isa anna cia' pole' omo matappa', te'damo nadikulle mpupengkatoba' pole'i. Naperasaimo to barakka'-Na Puang Allataala, naperasai toomo to kuasan-Na Roh Allataala, naissenmo to kumua melo to kadan-Na Puang Allataala, naperasai toomo to kuasan-Na to la napake jio ahera'. Apa ia ke susii joo, nacia'mo ia matappa' lako Puang Isa, te'damo nadikulle mpupengkatoba' pole'i, sanga padami to mpampang pole' Anak Allataala jao kaju sitamben. Iamo joo napusaba' nate'damo nakasiri'i tobuda to Puang Isa.

Yahya 19:34

Apa mesa' to surudadu ntossokki doke to sa'de-Na, nata'pa messun to rara sola wai.

1 Yahya 5:9

Takatappa'i to apa napau tau, apa la'bih dikatappa'i pole'pa to apa napau Puang Allataala. Iamo joo la takatappa'i to mangka napau Puang Allataala kumua mentolinomo to Anak Allataala.