1 Yahya 5:19 - Alkitab Duri

¹⁹ Taissen kumua napuanakmiki' Puang Allataala, moi nakuasaii Ballisi' to tolino tangnturu' Puang Allataala.

1 Yahya 5:19 Referans Kwoze

2 Korintus 4:4

Ia to Ballisi', to ngkuasaii tee lino, iamo ssamboii tangngahna tuu lako tote'da namatappa', anna te'da nakitai to arrangna Kareba Kasalamatan to napupangngarrang kamala'biran-Na Almaseh to sangrupa bang una Puang Allataala.

Efesus 2:2

Ia joo wattu ia to panggaukanmi susi bang to panggaukanna tolino to tangnturu' Puang, ammituru' Ballisi' jao langi' to mparenta sininna setang. Iamo tatta' ngkuasaii to totangmatappa' lako Puang Allataala.

Galatia 1:4

Ia to Puang Isa mangka mpangben kalena dibuno situru' pakkaeloran-Na Ambe'ta' Puang Allataala, dikua anna dampanganki' to tomadosa, danggi'mo tatuo susi togaja' lan lino.

Yahya 12:31

Nadete'mi wattunna la dira'tah kara-karana tolino. Ia tee too la dica'beanmo lako salean to Ballisi' to ngkuasaii tee lino.

Pengkitanna Yahya 12:9

nadipenca'bean tama lino sola sininna malaeka'na. Ia to naga, iamo to ulah tua disanga Ballisi' ba'tu puanggawana setang to mpalao sala sininna tau lan lino.

Yahya 16:11

La napamanassa too kumua la nasessami Puang Allataala to tolino, sanga disessami to Ballisi', to ngkuasai tee lino.

1 Yahya 5:20

Taissenmo kumua mangkamo mentolino to Anak Allataala na mangka toomo mbenki' kapaissenan, antawa'ding nnissenni indara to Puang tongan. Mesa' penawamiki' sola Puang Allataala tongan, sanga mesa' penawamiki' sola Anak Allataala, Puang Isa Almaseh. Iamo Puang Allataala tongan, to mpangben katuoan melo te'da cappa'na.

1 Yahya 5:13

Kuuki'i tee lako kamu' tomatappa' lako Anak Allataala, ammiissenni kumua, miampuimo to katuoan melo te'da cappa'na.

Yakub 4:4

Ee, kamu' totangnningaranmo pale' Puang! Miissen kumua ia ke mipangbuda-budaii susi to totangnturu' Puang Allataala menjaji kamu' ewalin-Na Puang Allataala. Jaji ia to tolampangbuda-budaii susi joo, iamo mpangpeewalian kalena lako Puang Allataala.

Yahya 14:30

Te'damo nabuda bang la kupauan kamu', nasaba' wattunnami la ratu to Ballisi', to ngkuasai tee lino. Apa te'da nakuasaina'.

1 Yahya 5:10

Ia to tomatappa' lako Anak Allataala natarimamo to apa napau Puang Allataala. Apa ia to tote'da nakatappa'i Puang Allataala, padai tossanga pangnguragai to Puang Allataala, nasaba' te'da nakatappa'ii to apa napau mpatui to Anak Allataala.

1 Yahya 3:24

Ia ngasan to tonturu' parenta-Na Puang Allataala, mesa' penawami sola Puang Allataala, na Puang Allataala mesa' penawa too sola ia. Na taissen kumua Puang Allataala mesa' penawa sola kita', sanga mangkamiki' naben Roh Allataala.

Pengkitanna Yahya 20:3

Namane' pembuanganni joo naga do' posi' tana, nagoncingngi to lalan, nasegel tooi sangsa'bu taunna, danggi' napalao sala bangsa lan lino, ke te'dapi naangge to wattu sangsa'bu taunna. Mangkai joo too la dila'paranni cingga'tu'.

1 Yahya 5:18

Taissen kumua sininna to napuanakmo Puang Allataala te'damo napugauk tarruh dosa, na te'da toomo nakullei Ballisi' mpugaukki moi apa lako kalena, nasaba' naampaimo Anak Allataala.

2 Korintus 5:1

Nasaba' taissen kumua ia ke diro'pokanmi to bola ba'tu burukmi to batang kale to tanii mari'pih lan tee lino, la napasadianki' Puang Allataala jao suruga mesa' bola ba'tu batang kale baru te'da cappa'na, to tangngia panggaraga tolino.

Roma 8:16

Roh Allataala sola penawanta' mpamanassai kumua anak Allataalaki'.

1 Yahya 3:14

Ia ke mpakamoja'ki' padanta' tomatappa', taissen kumua te'damo nakuasaiki' kuasa kamatean, apa ntarimamiki' katuoan melo te'da cappa'na. Na ia to tote'da napakamoja' tolaen, tonakuasaipa ia kuasa kamatean.

Titus 3:3

Nasaba' moi kita' tonna jolona bango' tooki', antalao sala, te'da too taturu' Puang Allataala. Napukaunan tooki' mangrupa-rupa kamadoangan sola pakkaeloran penawa. Mpugauk tooki' kagajatan sola masere ati, na massikaba'ci bangki'.

2 Timotius 1:12

Iamo joo angkumaparri' susi tee lan pangtarungkuan. Apa te'da kukasirisanni, nasaba' kukanassai inda to kukatappa'i. Na kuissen kumua apa to napabarakkanna', makuasa too njagai sanggenna Kiama' lino.

2 Korintus 1:12

Kipumario, sanga kiissen lan penawangki', kumua maruruh na te'da caccana to panggaukanki', to padamokan masainna lan tee lino, la'bi-la'bipa lako kamu', natuli situru' pakkaeloran-Na Puang Allataala. Te'da napatujukan kapaissenan tolino, apa barakka'-Nara Puang Allataala to nabenkan.

Lukas 4:6

Mangkadami nakua, “Sininna joo kaparentan sola kamala'biranna la kuben ngasanko, nasaba' diben ngasanmo', nawa'ding kupangben lako to tokukabudai.

Yahya 17:15

Te'da kumeta'da kumua antaalaimi lan mai lino tuu lako taun-Ta', apa meta'dara' lako kale-Ta' antaampaii jio mai kuasanna togaja'.

1 Yahya 5:15

Na ia ke taissenni kumua napesa'dingngi ke meta'da tulungki', iamo joo la taissen too kumua la nabenki' apa to tapeta'da lako kale-Na.