1 Yahya 5:10 - Alkitab Duri

¹⁰ Ia to tomatappa' lako Anak Allataala natarimamo to apa napau Puang Allataala. Apa ia to tote'da nakatappa'i Puang Allataala, padai tossanga pangnguragai to Puang Allataala, nasaba' te'da nakatappa'ii to apa napau mpatui to Anak Allataala.

1 Yahya 5:10 Referans Kwoze

Roma 8:16

Roh Allataala sola penawanta' mpamanassai kumua anak Allataalaki'.

Galatia 4:6

Nasuai Puang Allataala to Roh-Na Anak Allataala torro lan penawammi, sanga napuanakmo kamu'. Na ia to Roh-Na Anak Allataala mpusaba'i tametamba kumua, “Oo, Ambe'ku'!”

Yahya 3:33

Ia to tontarimai joo kadan-Na Puang Isa, naakui kumua tongan to kadan-Na Puang Allataala,

Yahya 5:38

Te'da mikatappa'i to kadan-Na Puang Allataala, nasaba' cia' kamu' ngkatappa'ina' tee Aku' to nasua.

Ibrani 3:12

Ee, tomala'bihku'! Ingaran meloi, danggi' naden to mangpenawa gaja' susi joo, ammicia' matappa' lako Puang Allataala to tuo.

1 Yahya 5:1

Ia to tongkatappa'ii kumua Raja Mangpasalama' to Puang Isa, napuanak Puang Allataala. Na ia to tompakamoja' to mangpuanak, napakamoja' too to dipuanak.

1 Yahya 1:10

Apa ia ke mangkadaki' kumua te'da tamadosa, butung tasangai kumua mangnguragai to Puang Allataala na te'da taparinawai to kadan-Na.

Pengkitanna Yahya 2:17

Ia to tomangpesa'ding la naingaran to apa napau Roh Allataala lako jamaa. Na ia to topatalo la kueloran ngkande manna to tangdikita sola la kuben batu mabusa to kuuki'imo sanga baru to te'da naissenni tau laen mbacai, apa ia manda to tokuben.”

Kolose 3:3

Wa'ding dipau kumua mangkamo kamu' mate, na ia to katuoan barummi sola Almaseh te'dapa napajan, nasaba' te'dapa napapajanni Puang Allataala.

Kada Bulawan 3:32

Nasaba' Nakaba'ci Puang Allataala to tomajekkong, apa Napusoba' to tomaruruh penawanna.

Pengkitanna Yahya 12:17

Liwa' birih joo naga lako joo baine anna male rrarii to anak laenna, iamo to tonturu' pakkaeloran-Na Puang Allataala sola to menjaji sa'bin-Na Puang Isa.

Pengkitanna Yahya 2:28

Ia joo kuasa susi to kutarima jio mai Ambe'-Ku'. La kuben tooi bintuin sulo bai.

2 Petrus 1:19

Iamo joo angkila'bih pole' ngkanassaii to kadan-Na Puang Allataala to napangpeissenan tuu lako nabi tonna anu' nadiuki' lan Sura' Allataala. Melo ke miingaranni, nasaba' ia joo kadan-Na susi palita mangngarrang lan kamalillinan. La miingaranni saratun-Na pole' Puang Isa ammiissen tonganni. Ia joo karatuan-Na pole' susi tibangkahna mariwang ba'tu karatuanna bintuin sulo bai.

Yahya 3:16

Liwa' napakamoja' Puang Allataala to tolino. Iamo joo nasuai to Anak tungga'-Na mpangben sunga'-Na naputuoi tolino. Na ia to tomatappa' lako, te'da nalamasolang, apa la nnampa' katuoan melo te'da cappa'na.

Yahya 3:18

Ia to ngkatappa'ii, te'da naladisessa, apa ia to tote'da namatappa', la dipabalahhi to dosana, nasaba' te'da nakatappa'ii to Anak tungga'-Na Puang Allataala.

Galatia 4:1

Parallu kupamanassa kumua, ia tonna biccu'pa to pea mangmanah, te'da bang silaenanna mesa' kaunan, moiraka na ia puangna joo manah.

Jamanna Rasulu' 8:37

Napebalii Filipus nakua, “Wa'dingmiki' dijio', ke lantuk tongan penawanta' ngkatappa'i Puang Isa.” Nakua mebali, “Kukatappa'i kumua Anak Allataala to Puang Isa Almaseh.”]