1 Yahya 4:8 - Alkitab Duri

⁸ Ia to totangmangpakamoja' tangnnissen Puang Allataala, nasaba' mangpakamoja' ia to Puang Allataala.

1 Yahya 4:8 Referans Kwoze

1 Yahya 4:16

Taissen sola takatappa'i kumua napakamoja'ki' Puang Allataala. Mangpakamoja' to Puang Allataala. Ia to toda'tan mangpakamoja', da'tan too mesa' penawa sola Puang Allataala, na Puang Allataala da'tan mesa' penawa sola ia.

1 Yahya 4:7

Ee, tomala'bihku' to kupakamoja'! Sipakamoja'ki', nasaba' pole jio mai Puang Allataala to pangpakamoja'. Na ia to tomangpakamoja' napuanak Puang Allataala, na tonnissen too Puang Allataala.

2 Korintus 13:11

Ee, tomala'bihku' sola ngasan! Katampakanna, la mario kamu' sola angahhi to la mipumakassingna. Tarimai to sininna pangpangngingaranku'. La mesa' penawa kamu' misikalino, anna ampai kamu' Puang Allataala. Iamo Puang mangpakamoja' sola mangpasikalino.

Efesus 2:4

Apa mamase na mangpakamoja' to Puang Allataala te'da susinna.

1 Yahya 1:5

Iamo tee kareba to mangka kisa'ding jio mai Puang Isa to kipangpeissenan lako kamu' kumua Arrang to Puang Allataala, battuananna te'da lalo kasalan napugauk.

1 Yahya 3:6

Iamo joo, ia to tomesa' penawamo sola Almaseh, te'damo napugauk tarruh dosa. Na ia to tompugauk tarruh dosa, te'dapa nakitai na te'da toopa naissenni to Almaseh.

1 Yahya 2:9

Ia to mangkada kumua, “Nturu'na' pakkaeloran-Na Puang Allataala”, apa ngkaba'ci unapa padanna tomatappa', te'dapa nanturu' pakkaeloran-Na Puang Allataala.

1 Yahya 2:4

Topangnguraga na tote'da naampui katonganan to tomangkada kumua, “Nnissenna' Puang Allataala”, apa te'da naturu'i to parenta-Na.

Ibrani 12:29

sanga ia to Puang Allataala tasompa susi api mantunu pu'puh.

1 Yahya 3:10

Inda-inda to te'da nampugauk pakkaeloran-Na Puang Allataala ba'tu te'da nampakamoja' padanna tomatappa', te'da napuanakki Puang Allataala. Iamo joo mpamanassai indara to napuanak Puang Allataala na inda to napuanak Ballisi'.