1 Yahya 4:17 - Alkitab Duri

¹⁷ Ia ke mangkaki' mperasai pangpakamoja'-Na Puang Allataala, baranimiki' mangngolo lako Puang Allataala ke Kiama'mi lino. La nnampuiki' kabaranian, nasaba' ia to sipa'ta' lan lino susi sipa'-Na Almaseh.

1 Yahya 4:17 Referans Kwoze

1 Yahya 4:12

Moi mesa' tau te'da ngkita Puang Allataala. Apa ia ke sipakamoja'ki', da'tanni Puang Allataala mesa' penawa sola kita', taperasai tonganni to pangpakamoja'-Na.

1 Yahya 2:28

Ee, tokupuanak! La da'tan kamu' mesa' penawa sola Almaseh, anna ia ke ratu pole'mi, baraniki' sioloan, te'da tamembuni sanga masiri'ki'.

1 Yahya 3:3

Ia ngasan to tontajan karatuan-Na pole' Almaseh njagai kalena nada'tan tangmadosa susi Puang Isa tangmadosa.

1 Yahya 2:5

Apa ia to tonturu' kadan-Na Puang Allataala, iamo mpakamoja' tongan Puang Allataala. Iamo tandana kumua mesa' penawamiki' sola Puang Allataala.

Roma 8:29

Na ia to tonaissenmo, pura napattantumo la menjaji sangrupa Puang Isa Almaseh, Anak Allataala, dikua na Almaseh menjaji pamungah jio mai sininna sile'to tomatappa'.

Yahya 15:20

Ingaranni to apa mangkamo kupauan kamu', ‘Ia to mesa' kaunan te'da nala'bih matande na puangna.’ Jaji ia ke mangkamo' nasessa, moi kamu' la nasessa too. Na ia ke naturu'i to pangngajaran-Ku', la naturu' tooi to pangngajaranmi.

1 Yahya 3:1

Liwa' pangpakamoja'-Na to Ambe', Puang Allataala, na napuanakmiki'. Nang tongan kumua anakkanaki' Puang Allataala. Te'da naissenni tolino to tangnturu' Puang, kumua anakkanaki' Puang Allataala, nasaba' te'da too naissenni to Puang Allataala.

2 Petrus 3:7

Ia to langi' na lino tee too naampai Puang Allataala mpake kadan-Na, arannai nadete' wattunna la dira'tah kara-karana to tolino. Ia joo wattu la disabu'i to langi' na lino nakande api, anna ia to totangmangpesa'ding la disessa na disabu'i.

2 Petrus 2:9

Jaji, naissenmo Puang Allataala to apa la napugauk mpasalama' taun-Na ke maparri'i. Naissen too Puang Allataala ntarungkui to togaja' anna sessai ke Kiama'mi lino.

Yakub 2:22

Jaji manassa kumua iapi natongan to kamatapparan ke dipasiolananni panggaukan.

Matius 12:36

Iamo joo ingaranni: Ia ke Kiama'mi lino pada la napebalii tau to kada tangkebattuanna lako Puang Allataala.

Matius 11:24

La miingaran kumua, ia ke Kiama'mi lino, la'bih mabanda' kamu' sessami na ia to to-Sodom.”

Matius 11:22

Ingaranni! Ia ke Kiama'mi lino, la'bih maringngan ia sessana to to-Tirus sola to-Sidon, na ia to sessami sola ngasan.

Matius 10:25

Ganna'mi ke passikola pada gurunna, na kaunan pada puangna. Ia ke nasangana' tau Beelzebul, puanggawana setang, apa pole'pi kamu' to tonturu'na' la'bih-la'bih la gaja' sangammi.”

Matius 10:15

Ingaranni! Ia ke Kiama'mi lino, la'bih nasessai Puang Allataala to tau lan joo kota na ia to to-Sodom na to-Gomora.”

Yakub 2:13

Ianna te'da takamasei padanta' rupa tau, te'da toda nakamaseiki' Puang Allataala ke dibicaraki'. Apa ia antakamasei padanta' rupa tau, te'da nalasessaki' Puang Allataala ke Kiama'mi lino.

Yahya 17:22

Mangkamo kuben kamala'biran to tabenna', anna memmesa' sola ngasan susi Ambe' na Aku' memmesa'.

Ibrani 9:27

Mangka napattantu Puang Allataala, kumua pissenra mate to tolino, namane' Puang Allataala rra'tah kara-karana.

1 Yahya 2:6

Ia to tomangkada kumua, “Mesa' penawana' sola Puang Allataala”, la naturu' to sipa'na Almaseh.

1 Yahya 3:7

Ee, tokupuanak! Danggi' lalo naden tau mieloran la mpalao sala kamu'. Tomelo to nturu' pakkaeloran-Na Puang Allataala, susi Almaseh.