1 Yahya 3:13 - Alkitab Duri

¹³ Ee, tokupusile'to! Danggi' mijangngah, ke nakaba'ci kamu' tolino to tangnturu' Puang Allataala.

1 Yahya 3:13 Referans Kwoze

Yahya 17:14

Kupauanmi to kadan-Ta'. Iamo joo nakaba'cii totangmatappa', nasaba' tangngia taunna, susi Aku' tangngia toona' taunna.

Yakub 4:4

Ee, kamu' totangnningaranmo pale' Puang! Miissen kumua ia ke mipangbuda-budaii susi to totangnturu' Puang Allataala menjaji kamu' ewalin-Na Puang Allataala. Jaji ia to tolampangbuda-budaii susi joo, iamo mpangpeewalian kalena lako Puang Allataala.

2 Timotius 3:12

Manassa kumua sininna tau to madoang ssompa na nturu' Puang Isa Almaseh la dipakario-rio,

Roma 8:7

Ia to tonakuasai kamadoangan penawanna, iamo tosiewali Puang Allataala, sanga te'da naturu' atoran-Na Puang Allataala, nasaba' tangnakullei.

Yahya 16:33

Kupauan ngasanmo kamu' tee, ammiampa' kamasannangan nasaba' memmesa'mo kamu' sola Aku'. La maparri' kamu' dipakario-rio lan lino. Apa pemawatangngii penawammi, nasaba' mangkamo' ntaloi kuasanna lino.”

Yahya 7:7

Te'da apa napusaba' tee tolino la ngkaba'ci kamu'. Apa ia ke Aku' nakaba'cimo', nasaba' tuli kukuanni kumua gaja' panggaukanna.

Lukas 6:22

Masannang kamu', ke dikaba'ci kamu', ke diula'i kamu', ke dicacca kamu', sola ke disanga kamu' togaja', nasaba' mituru'na' Aku', Anak Mentolino.

Matius 24:9

Ia joo wattu la dijokko kamu' midisessa ammidibuno. La nakaba'ci kamu' sininna bangsa, nasaba' mituru'na'.

Jamanna Rasulu' 3:12

Ia tonna kitai Petrus to tobuda nakuamo, “Ee, to-Israel, matumbari mijangngahra? Matumbari mikaje'jek tarruh bangkan? Misangaraka kumua kapakulleanki'ra ba'tu kamenturusanki' lako Puang Allataala anna wa'ding lumingka tee tau?

Yahya 16:2

La diula'i kamu' lan mai bola passambajangan. La den too ia wattunna, na ia to tombuno kamu' nasangai kumua mpugaukki kameloan lako Puang Allataala.

Yahya 3:7

Danggi' mijangngah, ke kukuan kamu', ‘La dijajian pole' kamu'.’

Pengkitanna Yahya 17:7

Anna kuanna' joo malaeka', “Ciapari mujangngah? La kupauanko to apa tangkaissenan joo baine na ia joo olok-olok nasakei, to keulu pitu na ketanduk sangpulo.

Kada Bulawan 29:27

Nakaba'ci tomakassing to tomajekkong, na nakaba'ci togaja' to tomaruruh lalan katuoanna.