1 Yahya 3:1 - Alkitab Duri

¹ Liwa' pangpakamoja'-Na to Ambe', Puang Allataala, na napuanakmiki'. Nang tongan kumua anakkanaki' Puang Allataala. Te'da naissenni tolino to tangnturu' Puang, kumua anakkanaki' Puang Allataala, nasaba' te'da too naissenni to Puang Allataala.

1 Yahya 3:1 Referans Kwoze

Yahya 1:12

Apa ia to tontarimai, nakatappa'ii, naben kuasa menjaji anak Puang Allataala.

Galatia 3:26

Napuanak ngasanmo kamu' Puang Allataala, sanga matappa'mo kamu' lako Puang Isa Almaseh.

2 Korintus 6:18

La mupuambe'na', na iko la kupuanak. Susimi tee kadan-Na Puang to makuasa.”

Yahya 17:25

Oo Ambe' maruruh! Te'da naissenki' tolino, apa Aku' kuissenki', na naissen ngasan taun-Ta', kumua tasuana'.

Yahya 3:16

Liwa' napakamoja' Puang Allataala to tolino. Iamo joo nasuai to Anak tungga'-Na mpangben sunga'-Na naputuoi tolino. Na ia to tomatappa' lako, te'da nalamasolang, apa la nnampa' katuoan melo te'da cappa'na.

Pengkitanna Yahya 21:7

Ia to topatalo la kuben joo barakka'. La menjajina' Puangna, na ia menjaji anak-Ku'.

Roma 5:8

Apa napakitanmiki' Puang Allataala to pangpakamoja'-Na, nasaba' ia tonna taloi unapiki' kuasa dosa, matei to Almaseh mpangngewanki'.

Galatia 3:29

Na ia ke taun-Namo kamu' Almaseh, bati'na toomo kamu' Nabi Ibrahim to la ntarimai to barakka' mangka nabasseanni Puang Allataala.

Roma 8:32

Na ia to Puang Allataala te'da napangnganggai to Anak mperasai parri', kannori napangben menjaji karoba lako kita' sola ngasan. Umbora nakua tanglambenki' to laenna?

Yahya 16:3

Napugaukki susi joo lako kamu', nasaba' te'da naissenni to Ambe', na moi Aku' te'da too naissenna'.

Kolose 3:3

Wa'ding dipau kumua mangkamo kamu' mate, na ia to katuoan barummi sola Almaseh te'dapa napajan, nasaba' te'dapa napapajanni Puang Allataala.

Roma 8:21

kumua den wattunna naladila'paran jio mai kamasolanganna, anna dipamala'bih sola sininna anak Allataala.

Lukas 20:36

Nasaba' la tuomi susi malaeka' to te'damo nalamate pole'. Menjajimi ia anak Allataala, sanga dipatuo pole'mi jio mai kamatean.

Yahya 11:52

Nate'da na to-Yahudi manda la nasulle, apa la napasirempun too napangmesai to taun-Na Puang Allataala to sisarak-sarakmo.

Yahya 15:21

Na la nasessa kamu', sanga mituru'na' na te'da too naissenni to Ambe' to ssuana'.

Roma 8:19

Sininna olok-olok na apa laen to napaden Puang liwa' mamali' ngasan ntajanni kumua piranpara napapajan ngasanni Puang Allataala to anakkana.

1 Yahya 3:2

Ee, tomala'bihku' to kupakamoja'! Ia tee too napuanakmiki' Puang Allataala. Ia ke ratu pole'mi Puang Isa tangnadete'pa tangngahta' kumua la matumbariki', apa moi nasusi joo taissen kumua ia joo wattu, la susimiki', nasaba' la takitai kumua matumba sitonganna to Puang Isa.

1 Yahya 3:10

Inda-inda to te'da nampugauk pakkaeloran-Na Puang Allataala ba'tu te'da nampakamoja' padanna tomatappa', te'da napuanakki Puang Allataala. Iamo joo mpamanassai indara to napuanak Puang Allataala na inda to napuanak Ballisi'.

1 Yahya 4:17

Ia ke mangkaki' mperasai pangpakamoja'-Na Puang Allataala, baranimiki' mangngolo lako Puang Allataala ke Kiama'mi lino. La nnampuiki' kabaranian, nasaba' ia to sipa'ta' lan lino susi sipa'-Na Almaseh.