1 Yahya 2:7 - Alkitab Duri

⁷ Ee, tomala'bihku' to kupakamoja'! Ia tee kuuki', tangngiara parenta baru. Parenta masaimo tee, to mangkamo dipangpeissenan lako kamu' tommimane' matappa' lako Puang Isa. Ia joo parenta iamo to mangkamo misa'ding kumua la sipakamoja'ki'.

1 Yahya 2:7 Referans Kwoze

1 Yahya 3:11

Ia tommimane' matappa' lako Almaseh dipauanmo kamu' tee pangngajah kumua, la sipakamoja'ki'.

1 Yahya 3:23

Iamo tee to parenta-Na kumua, la matappa'ki' lako Anak, Puang Isa Almaseh, sola la sipakamoja'ki', susi to mangkamo nasuanki' Almaseh.

1 Yahya 2:24

Iamo joo na ia to pangngajaran tongan to mangkamo misa'ding mammulammi matappa', la miingaran melo lan penawammi. Ia ke miingaran meloi, la da'tan kamu' mesa' penawa sola Anak na Ambe',

Matius 5:43

Mangpangngingaranmi Puang Isa nakua, “Den too pangpangngajah misa'ding kumua, ‘Pakamoja'i to solami, ammikaba'cii to ewalimmi.’

Jamanna Rasulu' 17:19

Jaji nasolanni to Paulus lako kasirempunan jio buntu Areopagus nakuanni, “Madoangkan nnissenni to pangngajaran baru mipangpeissenan.

Yahya 13:34

Kuben kamu' parenta baru kumua, la sipakamoja' kamu'. Susi Aku' mpakamoja' kamu', susi toda kamu' la sipakamoja'.

Ibrani 6:9

Ee, tomala'bihku' to kupakamoja'! Moi angkimangkada susi joo, apa kikatappa'i kumua ia to kamu' susi to padang nabarakka'i Puang Allataala ammimangnguju lako kasalamatan.

1 Yahya 3:2

Ee, tomala'bihku' to kupakamoja'! Ia tee too napuanakmiki' Puang Allataala. Ia ke ratu pole'mi Puang Isa tangnadete'pa tangngahta' kumua la matumbariki', apa moi nasusi joo taissen kumua ia joo wattu, la susimiki', nasaba' la takitai kumua matumba sitonganna to Puang Isa.

1 Yahya 3:21

Ee, tomala'bihku' to kupakamoja'! Ianna te'da tasala situru' tangngahta', la baraniki' massambajang lako Puang Allataala.

1 Yahya 4:1

Ee, tomala'bihku' to kupakamoja'! Danggi' mikatappa'i ngasan bangngi to tomangngaku nnampui Roh Allataala, apa pemanassai jolo' kumua Roh Allataala tonganmoraka to naampui, ba'tu tangngiaraka. Nasaba' budamo nabi tangtongan male bang llelei tondok.

1 Yahya 4:7

Ee, tomala'bihku' to kupakamoja'! Sipakamoja'ki', nasaba' pole jio mai Puang Allataala to pangpakamoja'. Na ia to tomangpakamoja' napuanak Puang Allataala, na tonnissen too Puang Allataala.

1 Yahya 4:11

Ee, tomala'bihku' to kupakamoja'! Ia ke susimi joo kumua gaja napakamoja'ki' Puang Allataala, jaji moi kita' la sipakamoja' todaki'.

1 Yahya 4:21

Jaji, ia to tompakamoja' Puang Allataala, la mpakamoja' too padanna tomatappa'. Iamo joo napangparentan Almaseh lako kita'.