1 Yahya 2:6 - Alkitab Duri

⁶ Ia to tomangkada kumua, “Mesa' penawana' sola Puang Allataala”, la naturu' to sipa'na Almaseh.

1 Yahya 2:6 Referans Kwoze

1 Petrus 2:21

Napileimo kamu' Puang Allataala mpugaukki susi joo. Moi Almaseh mperasai pa'dik ssulle kamu', anna menjaji palelean mata lako kamu' ammituru'i.

Yahya 13:15

Kupugaukki susi tee lako kalemi, ammipugauk todai lako padanta' tomatappa'.

1 Korintus 11:1

Turu'i to panggaukanku', susi aku' nturu' panggaukan-Na Almaseh.

1 Yahya 3:6

Iamo joo, ia to tomesa' penawamo sola Almaseh, te'damo napugauk tarruh dosa. Na ia to tompugauk tarruh dosa, te'dapa nakitai na te'da toopa naissenni to Almaseh.

Efesus 5:2

La sikamasean kamu' susi Almaseh ngkamaseiki', iamo na mpangkaroban kalena la mpasalama'ki'. Ia joo kamatean-Na susi karoba bunangngu' to napumasannang Puang Allataala.

Matius 11:29

Turu'i to parenta-Ku', mipelajahhii to pangngajaran-Ku', nasaba' Aku' tee te'da kulassussai kamu', te'da kamu' to la kukita majiong, milolongan kamasannangan.

1 Yahya 2:4

Topangnguraga na tote'da naampui katonganan to tomangkada kumua, “Nnissenna' Puang Allataala”, apa te'da naturu'i to parenta-Na.

1 Yahya 2:28

Ee, tokupuanak! La da'tan kamu' mesa' penawa sola Almaseh, anna ia ke ratu pole'mi, baraniki' sioloan, te'da tamembuni sanga masiri'ki'.

Yahya 15:10

Ia ke mituru'i to pakkaeloran-Ku', la da'tanna' mpakamoja' kamu', susi Ambe' da'tan mpakamoja'na', sanga nturu'na' pakkaeloran-Na.

1 Yahya 3:24

Ia ngasan to tonturu' parenta-Na Puang Allataala, mesa' penawami sola Puang Allataala, na Puang Allataala mesa' penawa too sola ia. Na taissen kumua Puang Allataala mesa' penawa sola kita', sanga mangkamiki' naben Roh Allataala.

1 Yahya 4:17

Ia ke mangkaki' mperasai pangpakamoja'-Na Puang Allataala, baranimiki' mangngolo lako Puang Allataala ke Kiama'mi lino. La nnampuiki' kabaranian, nasaba' ia to sipa'ta' lan lino susi sipa'-Na Almaseh.