1 Yahya 2:21 - Alkitab Duri

²¹ Jaji kuukiran kamu' tee sura' te'da kumua tangmiissenpi to pangngajaran tongan, apa sibalikannari. Miissen toomo kumua te'da pangnguraga lan joo pangngajaran tongan.

1 Yahya 2:21 Referans Kwoze

2 Petrus 1:12

Iamo joo kupakainga' tarruh kamu' to sininna joo, moiraka miissen, mikatappa'i toomi to pangngajaran tongan to mangkamo mitarima.

Yudas 1:5

Madoangra' mpangngingaran kamu', moi miissen ngasanmo tee, kumua nasessa Puang Allataala to tompugauk kagajatan. Ia tonna anu' napasalama' Puang Allataala to to-Yahudi jio mai tana Mesir. Apa undinna den to tau cia' matappa' anna rabunnii Puang Allataala jio padang pallawangan.

Kada Bulawan 1:5

Melo ke ia to tomacca mangpesa'ding, na sakerangngan-rangnganna to kapaissenanna, na ia to tomapahang nnampa' pangpatuju

Yahya 8:44

Ballisi' kamu' to ambe'mi. Iamo mimadoang bang mpugaukki to pangkabudaianna Ballisi'. Mammula jiona mai topabuno ia. Te'da lalo ia nampau katonganan, sanga te'da katonganan naampui. Ia ke mangnguragai, sipato'namo, sanga iamo garonto'na sininna pangnguraga.

Yahya 18:37

Mekutana omi Gubernur Pilatus lako Puang Isa nakua, “Ia ke susii joo, Rajarokoka?” Mebalii Puang Isa nakua, “Susi tuu tapaunna kumua Rajana'. Dijajianna' kumentama lino mesa'ra akkatta-Ku', iamo to la mpamanassa katonganan. Ia to topole jio mai katonganan, napesa'dingngina'.”

Yakub 1:19

Ee, tomala'bihku' to kupakamoja'! Ingaranni tee! La mangpesa'ding melo to tau, apa danggi' namenjolo-jolo bang mangkada na danggi' too nasalle birih.

1 Yahya 3:19

Ia ke tapakamoja'i to padanta' tomatappa', iamo tandana kumua napuanakmiki' Puang Allataala. Jaji moi tasala situru' tangngahta', te'da taparallu malaja' jio olo-Na, nasaba' taissen kumua la'bih natandaiki' Puang, sanga Ia nnissenni to sininna apa.