1 Yahya 2:19 - Alkitab Duri

¹⁹ Ia to tonnewa Almaseh solata' jolona, apa sitonganna tangngia solata'. Ia ke solata'i, tantu torro unapi ssolanki'. Apa messarakki jio mai kita', anna manassa kumua moi mesa' jio mai tuu lako tau tangngia solata'.

1 Yahya 2:19 Referans Kwoze

Jamanna Rasulu' 20:30

Na den too kamu' lan mai tangnga-tangngami la mpangpeissenan kareba tangtongan. Ia napugaukki susi joo la mpalao salari to tomatappa'mo lako Puang Isa nakua anna ia naturu'.

1 Korintus 11:19

Sitonganna te'da namejangngaran ke susii joo, napajan kumua indannara kamu' tomatappa' tongan.

Yudas 1:19

Ia tuu lako tau mpaden buda kasisakkan lan tangnga-tangngana tomatappa'. Ia to napugauk tangngia pangpatujun-Na Roh Allataala, apa kamadoangan gaja'na bang ia.

Lukas 8:13

Ia to banne ta'pah do' batu-batu dipasangrapangngi to tossa'ding kadan-Na Puang Allataala anna masannang ntarimai. Apa te'da natorro tongan lan penawanna. Te'da namasai matappa', nasaba' ianna den pecoba rratui, ta'pa balik pole'mi.

Matius 24:24

Nasaba' buda nabi tangtongan sola tossanga kalena tomangpasalama' la mpangpekitan kalena. La mpugauk mangrupa-rupa tanda mejangngaran sola panggaukan mekalajatan, la mpalao sala tau, na ke wa'dingngi moi too umma'-Na Puang Allataala.

Jamanna Rasulu' 15:24

Den kisa'ding kumua den ba'tu pira-pira to kisolan inde' male mati' nnajahhi sala kamu', mpapussak penawammi ammibata apa te'dara nakami' ssuai mpugaukki susi joo.

Markus 13:22

Nasaba' buda nabi tangtongan sola tossanga kalena tomangpasalama' la mpangpekitan kalena. La mpugauk mangrupa-rupa tanda mejangngaran sola panggaukan mekalajatan, la mpalao sala tau, na ke wa'dingngi moi too umma'-Na Puang Allataala.

2 Timotius 2:19

Apa ia to pangngajaran tongan jio mai Puang Allataala susi pondasi mawatang to te'da nalatiroge. Den diuki' jio ntuu joo pondasi nakua, “Naissen Puang to taun-Na” sola “Te'damo nawa'ding mpugauk kagajatan to tomangngaku kumua, ‘Taunnana' Puang Allataala.’ ”

Ibrani 10:39

Ia tee kita' tangngiamiki' to tolamembalik pole' antamasolang, sibalikanna tomatappa'miki' lako Puang Allataala antadipasalama'.

2 Timotius 2:10

Namawatang bangna' ntarima ngasanni, nasaba' kaparalluanna to tau mangkamo napilei Puang Allataala, dikua nalolongan kasalamatan jio mai Puang Isa Almaseh, sola kamala'biran te'da cappa'na.

Roma 9:6

Tangjajiraka basse-Na Puang Allataala, nasaba' buda to-Israel te'da namatappa'? Te'da, nasaba' te'da na sininna to-Israel to napilei Puang Allataala.

Yahya 4:14

Apa ia to tonniso'i to wai la kupangben, te'da lalomo nalamawakke. Sanga ia joo wai la kubenni la menjaji susi kalimbuah tangmate lan kalena na lolong messun mbenni katuoan melo te'da cappa'na.”

Yudas 1:1

Ee, tomala'bihku' sola ngasan, todipilei na tonapakamoja' tarruh Ambe' Puang Allataala! Naampai kamu' saratun-Na pole' Puang Isa Almaseh. Aku' Yudas sile'tona Yakub, tonasua Puang Isa Almaseh, ngkiringan kamu' tee sura'.

2 Timotius 3:9

Apa te'damo nalallolongan apa, nasaba' ia to kabangosanna la naissen ngasan tau, susi toda to jaji lako Yanes sola Yambres.

Yahya 15:2

Ia to tangke-Ku' to te'da namembua, nasembangngi Ambe'. Na ia to den buanna naalai pira' to daunna, nabajaii anna la'bih buda buanna.

2 Yahya 1:7

Buda tompalao sala tau male bang llelei tondok. Ia tuu lako tau te'da naakuii kumua mentolinomo to Puang Isa. Ia to mangkada susi joo, tompalao sala tau na tonnewa Almaseh.