1 Yahya 2:17 - Alkitab Duri

¹⁷ Ia to lino sola issinna to takadoangngi la lanynya' ngasan. Apa ia to tompugauk pakkaeloran-Na Puang Allataala la tuo melo te'da cappa'na.

1 Yahya 2:17 Referans Kwoze

Matius 24:35

Ia to langi' sola lino la lanynya', apa ia to kadang-Ku' la tatta' te'da cappa'na.”

Roma 12:2

Danggi' mikaturu'-turu' bang lako tote'da naissen Puang Allataala. Ake'mo ia na Puang pemeloii to penawammi, ammiwa'ding nnissenni to pakkaeloran-Na, apa to melo na sukku', na apa to nakabudai Puang Allataala.

1 Korintus 7:31

Na ia to tonasarai sara' lan lino la butung to te'da apa ssaraii. Nasaba' ia tee lino, susi to takita tee too, te'damo namasai nalanynya'!

1 Petrus 4:2

Jaji, ia mituo unapa lan tee lino la nturu' kamu' pakkaeloran-Na Puang Allataala, danggi' mituru' pakkaeloran penawammi.

Ibrani 10:36

Parallu kamu' sabbara', ammikullei mpugaukki to pakkaeloran-Na Puang Allataala. Ia ke susii joo la mitarimai to apa nabassean kamu'.

Markus 3:35

Inda-inda to tompugauk pakkaeloran-Na Puang Allataala, iamo sile'to-Ku' na indo-Ku'.”

1 Petrus 1:5

La naben ngasan kamu' joo, nasaba' matappa' kamu' lako Puang Allataala. Jaji, naampai kamu' kuasan-Na Puang Allataala, ammitarima kasalamatan to sadiamo la naben kamu' ke Kiama'mi lino.

1 Tesalonika 4:3

Na iara nakadoangngi Puang Allataala kumua mituo susi to sipato'na tau mesan-Na, nadanggi' manggauk sala.

Yahya 4:14

Apa ia to tonniso'i to wai la kupangben, te'da lalomo nalamawakke. Sanga ia joo wai la kubenni la menjaji susi kalimbuah tangmate lan kalena na lolong messun mbenni katuoan melo te'da cappa'na.”

Matius 7:21

Mangngajahhimi Puang Isa nakua, “Te'da na ia ngasan to tau to metamba-tamba lako kale-Ku' nakua, ‘Oo Puang! Oo Puang!’ to la menjaji umma'-Na Puang Allataala. Apa iara to tau mpugauk pakkaeloran-Na Ambe'-Ku' jao suruga, la menjaji umma'-Na.

Yakub 4:14

Na te'da miissenni to apa la jaji masawa. Tuo unara kamu'ka iarika matemora kamu'ka? Susi bangra kamu' to saleu' cingga'tu'ra dikita na ta'demo.

Yahya 6:58

Mangkamo nakande tojolomi to kande disanga manna, namate unai. Apa ia to tongkandei tee kande kubenni, te'damo nalamate, apa la tuo tarruhmo, sanga Aku'mo tee to kande mellao jao mai suruga.”

Matius 21:31

Jaji, umbonnara joo to sile'to sola duai to nturu' kadanna ambe'na?” Mebalimi tuu lako kapala imang sola pekaamberan to-Yahudi nakua, “Ia to kakanna.” Nakuamo Puang Isa, “La miissen kumua ia to passassung sola tuu lako baine sala kedo la la'bih marawa menjaji umma'-Na Puang Allataala na kamu'.

1 Tesalonika 5:18

Mida'tan bang mangkurru sumanga' lako Puang Allataala moi apa jaji lako kalemi, nasaba' iamo nakadoangngi jio mai kalemi to tomesa' penawa sola Puang Isa Almaseh.

Kolose 4:12

Sallangna Epafras mati', mesa' to-Kolose, pangjama-Na Puang Isa Almaseh. Te'da napajaii mpellao doangan kamu' sola ngasan, dikua ammisamawatang-watangnamo susi mesa' tomasaranian, ammituli nturu'i to pakkaeloran-Na Puang Allataala.

Kada Bulawan 10:25

Ia ke naratuii angin bara' ta'pa lanynya'i to togaja', apa te'da lalo natigesu' to tomakassing.

Kolose 1:9

Iamo joo tongkisa'dingngi to apa jaji lako kalemi, kipassambajangan tarruh kamu' lako Puang Allataala, kumua ammisannissen-nissennai to pakkaeloran-Na ammiampa' tooi to sininna kapaissenan to pole jio mai Roh Allataala.

Yahya 7:17

Ia ke den tau madoang nturu' pakkaeloran-Na Puang Allataala, la naissen kumua pole umbora tee pangngajaran-Ku'. La naissen kumua pole jioraka mai Puang Allataala, iarika pangngajaran-Ku' Aku'.