1 Yahya 2:14 - Alkitab Duri

¹⁴ Ee, kamu' to anak! Kuukiran kamu' tee, nasaba' miissenmo to Ambe', Puang Allataala. Ee, kamu' to ambe'! Kuukiran kamu' tee, nasaba' miissenmo to Kada mangpatuo to denmo mammula jiona mai. Ee, kamu' tomalolle'! Kuukiran kamu' tee, nasaba' matappa' tonganmo kamu', miparinawai to kadan-Na Puang Allataala, ammitaloimi to Ballisi'.

1 Yahya 2:14 Referans Kwoze

1 Yahya 2:13

Ee, kamu' to ambe'! Kuukiran kamu' tee, nasaba' miissenmo to Puang Isa Almaseh to denmo mammula jiona mai. Ee, kamu' tomalolle'! Kuukiran kamu' tee, nasaba' mangkamo kamu' ntaloi Ballisi'.

Kolose 3:16

La mipallan penawa tarruhhi to pangngajaran-Na Almaseh ammituru'i. La da'tan bang kamu' siajaran misipakainga' too mpake sininna kapaissenanmi. La macanning atimmi mangkurru sumanga' lako Puang Allataala mimakkelong Zabur, kelong pangpujian ba'tu kelong laen.

Yahya 15:7

Ia ke da'tan kamu' memmesa' sola Aku', miingaran tooi to pangngajaran-Ku', moi apa mipeta'da lako Ambe', la naben kamu'.

Efesus 6:10

Na mangkatampakanna, eloranni to kuasan-Na Puang mpamawatang kamu', nasaba' memmesa' penawamo kamu' sola Ia.

Yahya 8:31

Nakua Puang Isa ngkuanni to tomatappa'mo lako kale-Na, “Ia ke mituru'mi to pangngajah-Ku', tongannamo kamu' anak gurung-Ku',

Yahya 5:38

Te'da mikatappa'i to kadan-Na Puang Allataala, nasaba' cia' kamu' ngkatappa'ina' tee Aku' to nasua.

Pengkitanna Yahya 2:7

Ia to tomangpesa'ding la naingaran to apa napau Roh Allataala lako jamaa. Na ia to topatalo, la kueloran ngkandei buanna to garonto' kaju katuoan lan bara'bah Eden-Na Puang Allataala.”

3 Yahya 1:3

Den ba'tu pira-pira padanta' tomatappa' ratu inde', na gaja sannangna' ssa'dingngi tonna curitai kumua da'tanko matappa' lako Puang Allataala ammuturu' tarruhhi to pangngajaran-Na.

Ibrani 8:10

Iamo tee basse la kupaden sola to-Israel to wattu la dioloi lako: la kupallan pikkirisanna to atoran-Ku', na kuuki'i lan penawanna. Aku' Puang Allataala to la nasompa, na ia la kupupenjaji umma'-Ku'.

Kolose 1:11

natuli mpamawatang kamu' kuasa mala'bih-Na, ammisabbara' mimario bang moi maparri' kamu',

2 Timotius 2:1

Ee, Timotius to kupuanak! Eloranni to kameloan penawan-Na Puang Isa Almaseh mpamawatangko.

Filipi 4:13

Kukulle to sininna apa, sanga Puang Isa Almaseh mbenna' kapakullean.

Pengkitanna Yahya 2:3

Ia tommidipakario-rio nasaba' Aku', sabbara' kamu' na te'da mika'tu rannu.

1 Yahya 1:10

Apa ia ke mangkadaki' kumua te'da tamadosa, butung tasangai kumua mangnguragai to Puang Allataala na te'da taparinawai to kadan-Na.

Yahya 8:37

Kuissen kumua bati'na kamu' Nabi Ibrahim, apa den tau lan tangnga-tangngami nnangah lalan la mbunona', nasaba' cia'i ntarimai to pangngajah-Ku'.

1 Yahya 1:1

Ia to issinna tee sura', iamo Kada to mangpatuo. Ia joo Kada mangpatuo denmo mammula jiona mai na mangkamo kisa'ding, na kikitamo, na kitoe toomo.