1 Yahya 1:9 - Alkitab Duri

⁹ Apa ia ke taakuii to dosata' lako Puang Allataala to maruruh, la nadampanganki', na la napemaceroi tooki' jio mai sininna panggaukan tangmelota', susi to apa mangka napau.

1 Yahya 1:9 Referans Kwoze

Kada Bulawan 28:13

Ia to tombuni kasalanna te'da napusaroi, apa ia to tonnakui kasalanna napaja mpugaukki, la Nakamasei Puang Allataala.

1 Yahya 1:7

Apa ia ke tuoki' situru' pakkaeloran-Na Puang Allataala, mesa' penawamiki' sola padanta' tomatappa', anna ia to rara-Na Puang Isa, Anak Allataala, mpemaceroiki' jio mai sininna dosata'.

Ibrani 10:23

La mawatangki' mangrannuan lako to apa mangka diajaranki'. La dikatappa'i to Puang Allataala, sanga tuli napugauk to basse-Na.

1 Timotius 1:15

Tongan na sipato' ditarima tee kada to kumua, “Mentolino to Puang Isa Almaseh la mpasalama' tomadosa”, na aku'mo to kaminang madosanna.

1 Korintus 1:9

Ia to Puang Allataala sipato' dikatappa'i. Iamo mpilei kamu' ammimesa' penawa sola Anak Allataala, Puangta' Puang Isa Almaseh.

Jamanna Rasulu' 19:18

Buda tomatappa'mo lako Puang Isa ratu mangngaku jio olona tobuda, nnakui panggaukan salana to wattu pura diboko'.

Markus 1:5

Buda tau ratu jio mai tana Yudea na kota Yerusalem mpesa'dingngi pangngajahna Nabi Yahya. Na pada nnakui dosana, najio'i Nabi Yahya jiong Sa'dan Yordan.

Titus 2:14

Mangkamo Ia mpangkaroban kalena la lla'bakki' jio mai sininna kagajatanta' napupenjajiki' umma'-Na to tangmadosa antatatta' too mpugauk kameloan.

1 Korintus 6:11

Ba'tu pira-pira tau lan tangnga-tangngami massipa' susi joo tonna jolona. Apa ia tee too, ia to Puang Isa Almaseh sola Roh Allataala to pole jio mai Puangta' Puang Allataala mangka lla'paran kamu' jio mai kuasa dosa, na mpupenjaji tau mesan-Na kamu' Puang Allataala, sola napupenjaji tomelo kamu'.

Ibrani 6:10

Te'da natangmaruruh to Puang Allataala. Te'da natangnningaranni to apa mipugauk, iamo to pangpakamoja'mi to mipangpekitan lako kale-Na tommitulung padammi tomatappa', la jolona, la ia too allo.

Pengkitanna Yahya 15:3

anna makkelong mpukelong kelongna Nabi Musa, taun-Na Puang Allataala, na kelong-Na Anak Bembala' nakua, “Oo, Puang Allataala! Tomakuasaki', liwa' mala'bih na te'da susinna to panggaukan-Ta'. Rajanaki' sininna bangsa, melo na tongan to panggaukan-Ta'.

Ibrani 11:11

Nawa'ding unapa Nabi Ibrahim sola Sara njajian bati' moi naliwa' tuamo na tamanang too to Sara, sanga matappa'i. Nakatappa'i Nabi Ibrahim kumua la napugauk Puang Allataala to basse-Na.

Matius 3:6

na pada nnakui dosana, najio'i Nabi Yahya jiong Sa'dan Yordan.

Efesus 5:26

Susimi joo napatorro leko' kamu' Almaseh ammimenjaji tau mesan-Na. Nadampangan kamu' mpake wai pangjioran sola pangngajah-Na.

Roma 3:26

Apa ia tee too napapajanmi Puang Allataala to kamarurusan-Na, ke napupenjaji tomeloi to tomatappa' lako Puang Isa.

Yahya 17:25

Oo Ambe' maruruh! Te'da naissenki' tolino, apa Aku' kuissenki', na naissen ngasan taun-Ta', kumua tasuana'.

Lukas 22:57

Apa messakkanni Petrus, nakua, “Te'da lalo kuissenni joo tau!”