1 Yahya 1:8 - Alkitab Duri

⁸ Ia ke mangkadaki' kumua te'da tamadosa, nnuragaki' kaleta' na te'da too taingaranni to katonganan.

1 Yahya 1:8 Referans Kwoze

Roma 3:23

nasaba' sininna tolino mpugauk dosa na te'da nasipato' ntarima kasalamatan.

Yakub 3:2

Kita' sola ngasan biasaki' mpugauk mangrupa-rupa kasalan. Apa ia to tote'da bang nasala lan buangan kadanna, iamo tau to te'da caccana, sanga nakulle ia nta'tan kalena.

1 Yahya 2:4

Topangnguraga na tote'da naampui katonganan to tomangkada kumua, “Nnissenna' Puang Allataala”, apa te'da naturu'i to parenta-Na.

1 Yahya 1:10

Apa ia ke mangkadaki' kumua te'da tamadosa, butung tasangai kumua mangnguragai to Puang Allataala na te'da taparinawai to kadan-Na.

Kada Bulawan 20:9

Denraka ia tau wa'ding mangkada kumua, “Mapaccing aku' to penawangku', na te'da aku' dosaku'?”

Galatia 6:3

Ia ke denni tau ssanga bang kalena makkeguna, apa te'da natongan, iamo mbango'-bango'i kalena.

Yakub 1:26

Ianna den tau ssanga kalena pangngagama, apa te'da najagai timunna, nnuragai kalena, na te'da bua'na mangngagama.

1 Timotius 6:5

massisala tarruh te'da cappa'na. Gaja' tarruhmi sipa'na tuu lako tau na te'damo naissenni to pangngajaran tongan. Nasangai kumua, la buda dalle'na, ke mangngagamai.

1 Korintus 3:18

Danggi' lalo naden tau nnuraga kalena. Ianna den tau lan tangnga-tangngami ssanga kalena paissen situru' kapaissenan tolinona, la'biran ke mbangosanni kalena jolo', nawa'ding menjaji topaissen situru' Puang.

1 Yahya 1:6

Ia ke takua kumua mesa' penawamiki' sola Puang Allataala, apa te'da tatuo situru' pakkaeloran-Na, manassa mangnguragaki' sanga te'da taturu' pangngajaran tongan.

Yakub 1:22

La mipugauk to apa mangka napau Puang Allataala, nasaba' ia ammisa'ding mandari to kadan-Na apa cia' kamu' mpugaukki, iamo disanga nnuraga kamu' kalemi.

2 Timotius 3:13

apa ia to togaja' na topangnguraga la sagaja'-gaja'nai. Ia tuu lako tau nnuraga tau laen, apa sitonganna moi ia diuraga too.

3 Yahya 1:3

Den ba'tu pira-pira padanta' tomatappa' ratu inde', na gaja sannangna' ssa'dingngi tonna curitai kumua da'tanko matappa' lako Puang Allataala ammuturu' tarruhhi to pangngajaran-Na.

2 Petrus 2:13

Ia joo guru tangtongan la maparri'i sanga mpamaparri'i tau. Gaja mesirisan sipa'na joo guru tangtongan. Napumasannang bang to mangrame-rame na kumande-mande moi allo. Ia ke ratui jio kasirempunanmi mikumande sola, ia to sipa'na meko'dosan nasaba' maullakki.

Yahya 8:44

Ballisi' kamu' to ambe'mi. Iamo mimadoang bang mpugaukki to pangkabudaianna Ballisi'. Mammula jiona mai topabuno ia. Te'da lalo ia nampau katonganan, sanga te'da katonganan naampui. Ia ke mangnguragai, sipato'namo, sanga iamo garonto'na sininna pangnguraga.

Roma 3:10

Susi to diuki' jolomo lan Sura' Allataala kumua, “Moi mesa' te'da tau mpugauk pakkaeloran-Na Puang Allataala,

1 Yahya 4:20

Pangnguraga to tau ke nakua, “Mpakamoja'na' Puang Allataala”, apa te'da napakamoja' padanna tomatappa'. Nasaba' ia pole'raka la napakamoja' to Puang Allataala to te'da nakitai, na ia to padanna tomatappa' to nakita na te'da napakamoja'i.