1 Yahya 1:6 - Alkitab Duri

⁶ Ia ke takua kumua mesa' penawamiki' sola Puang Allataala, apa te'da tatuo situru' pakkaeloran-Na, manassa mangnguragaki' sanga te'da taturu' pangngajaran tongan.

1 Yahya 1:6 Referans Kwoze

1 Yahya 4:20

Pangnguraga to tau ke nakua, “Mpakamoja'na' Puang Allataala”, apa te'da napakamoja' padanna tomatappa'. Nasaba' ia pole'raka la napakamoja' to Puang Allataala to te'da nakitai, na ia to padanna tomatappa' to nakita na te'da napakamoja'i.

1 Yahya 2:4

Topangnguraga na tote'da naampui katonganan to tomangkada kumua, “Nnissenna' Puang Allataala”, apa te'da naturu'i to parenta-Na.

1 Yahya 1:10

Apa ia ke mangkadaki' kumua te'da tamadosa, butung tasangai kumua mangnguragai to Puang Allataala na te'da taparinawai to kadan-Na.

Kada Bulawan 2:13

to ssalai lalan maruruh, nannola lako lalan kamalillinan,

Yahya 8:12

Mangkada pole' omi Puang Isa lako tobuda nakua, “Aku'mo arrang to nnarrangngi penawanna tolino. Ia to tonturu'na', te'da nalalumingka lan kamalillinan, apa la nnampui arrang to mbenni katuoan.”

Yahya 12:35

Mebalimi Puang Isa nakua, “Cingga'tu'mora tee Aku' arrang ssolan kamu'. Jaji lumingkamo kamu' ke sola unapa kamu' tee arrang, danggi' mikalillinan. Ia to tolumingka lan kamalillinan, te'da naissenni umbora la nanii male.

Yakub 2:14

Ee, tomala'bihku' sola ngasan! Apara bua'na to tau ssanga kalena tomatappa', ke te'dai napasiolananni panggaukanna? Te'da bua'na, nasaba' kamatapparan susi joo te'da nakulle la mpasalama'i.

Yahya 12:46

Ratumo' tama lino susi arrang, dikua na ia to tomatappa' lako Aku', te'damo nalatorro lan kamalillinan.

1 Yahya 1:3

Ia to apa mangkamo kikita sola kisa'ding, ia toomo kipangpeissenan lako kamu', dikua antamesa' penawa. Na te'da na ia manda joo, apa mesa' penawaki' sola Ambe', Puang Allataala, na Anak, Puang Isa Almaseh.

Yahya 11:10

Na ia ke lumingka bongii to tau, titodoi, nasaba' te'da nnarrangngii.”

Yakub 2:18

Apa mbai den to mangkada kumua, “Den tau matappa' manda, den too tau mpugauk manda panggaukan melo.” La kukua mpebalii, “Pakitanna' umbo nakua to tau matappa' ke te'dai napasiolanan panggaukanna, angkupakitanni panggaukan to mpamanassai kumua den kamatapparanku'.”

1 Yahya 1:8

Ia ke mangkadaki' kumua te'da tamadosa, nnuragaki' kaleta' na te'da too taingaranni to katonganan.

Yakub 2:16

Te'da bua'na ke den kamu' to ngkuanni, “Paela'-ela' bangmoko, dennaa upa' na melo pakeanmu mukumande sabarahna.” Ia ke te'da mibenni to naparalluinna, te'da bua'na joo!

Matius 7:22

Ia ke Kiama'mi lino, buda tau la mangkada lako kale-Ku' kumua, ‘Oo, Puang! Ia tongkipangpeissenan Kareba Kasalamatan ba'tu nnula'ikan setang sola mpugauk buda tanda mejangngaran, sangan-Ta' kipau.’

1 Timotius 4:2

Ia joo pangngajaran napangpangngajaran tomajekkong sola tomangnguraga, to nnissen umbonna to melo ba'tu gaja', apa te'da napugaukki.

Yahya 8:55

Te'da kamu' miissenni na kuissen Aku'. Na ia ke la kukua te'da kuissenni, pangnguragana' susi kamu'. Apa kuissen Aku', na kuturu' to kadan-Na.