1 Yahya 1:10 - Alkitab Duri

¹⁰ Apa ia ke mangkadaki' kumua te'da tamadosa, butung tasangai kumua mangnguragai to Puang Allataala na te'da taparinawai to kadan-Na.

1 Yahya 1:10 Referans Kwoze

1 Yahya 1:8

Ia ke mangkadaki' kumua te'da tamadosa, nnuragaki' kaleta' na te'da too taingaranni to katonganan.

1 Yahya 5:10

Ia to tomatappa' lako Anak Allataala natarimamo to apa napau Puang Allataala. Apa ia to tote'da nakatappa'i Puang Allataala, padai tossanga pangnguragai to Puang Allataala, nasaba' te'da nakatappa'ii to apa napau mpatui to Anak Allataala.

1 Yahya 2:4

Topangnguraga na tote'da naampui katonganan to tomangkada kumua, “Nnissenna' Puang Allataala”, apa te'da naturu'i to parenta-Na.

1 Yahya 2:14

Ee, kamu' to anak! Kuukiran kamu' tee, nasaba' miissenmo to Ambe', Puang Allataala. Ee, kamu' to ambe'! Kuukiran kamu' tee, nasaba' miissenmo to Kada mangpatuo to denmo mammula jiona mai. Ee, kamu' tomalolle'! Kuukiran kamu' tee, nasaba' matappa' tonganmo kamu', miparinawai to kadan-Na Puang Allataala, ammitaloimi to Ballisi'.

Kolose 3:16

La mipallan penawa tarruhhi to pangngajaran-Na Almaseh ammituru'i. La da'tan bang kamu' siajaran misipakainga' too mpake sininna kapaissenanmi. La macanning atimmi mangkurru sumanga' lako Puang Allataala mimakkelong Zabur, kelong pangpujian ba'tu kelong laen.

1 Yahya 4:4

Ee, tokupuanak! Ia to kamu', napuanakmo kamu' Puang Allataala. Mangkamo kamu' ntaloi joo nabi tangtongan, nasaba' la'bih makuasa to Roh Allataala miampui na ia to roh naampui to tonnewa Puang Allataala.

Yahya 3:33

Ia to tontarimai joo kadan-Na Puang Isa, naakui kumua tongan to kadan-Na Puang Allataala,