1 Yahya 1:1 - Alkitab Duri

¹ Ia to issinna tee sura', iamo Kada to mangpatuo. Ia joo Kada mangpatuo denmo mammula jiona mai na mangkamo kisa'ding, na kikitamo, na kitoe toomo.

1 Yahya 1:1 Referans Kwoze

Yahya 20:27

Namane' ngkuanni to Tomas, “Kitai limang-Ku'! Panteei tuu jarimmu, muulohhi tuu limammu, mukaka'i tee sa'de-Ku'. Danggi' mubata unapa, apa matappa'moko!”

Jamanna Rasulu' 4:20

Ia ke kami', te'da kilantorroii mpaui apa to mangkamo kikita sola kisa'ding.”

1 Yahya 4:14

Kikitamo kami' na kipangpeissenan toomo kumua nasuami Ambe' Puang Allataala mentolino to Anak Allataala anna pasalama'i to tolino.

Yahya 5:26

Susi Ambe'-Ku' makuasa mpatuo pole' tomate, susi toda Aku' naben kuasa mpatuo tomate.

Lukas 24:39

Kitai pala' limang-Ku' sola aje-Ku'. Katappa'i, kumua Aku' kalena tee! Sapui ammikita meloi, sanga te'da ia juku'na ba'tu bukunna to bombo, susi tee mikita jio kale-Ku'.”

Yahya 8:58

Mebalii Puang Isa nakua, “La mikatappa'i kumua, te'dapa nadijajian Nabi Ibrahim, na den memanmo'.”

Pengkitanna Yahya 1:8

Nakua Puang Allataala, “Aku'mo pamulanna, Aku' toomo cappa'na.” Tomakuasa to Puang Allataala, to den tee too, denmo tonna jolona, na den tarruh too.

Yahya 19:35

Ia to tongkitai joo apa jaji, iamo ncuritai, ammimatappa' toda. Na tongan joo kadanna, na naissen kumua tongan to napau.

Pengkitanna Yahya 19:13

Ia to pakean malando napake mangka dilummui rara.

Pengkitanna Yahya 2:8

Nasuana' nakua, “Uki'i susi tee lako malaeka'na jamaa jio kota Smirna: Ia tee pepasan pole jio mai Aku', to pamulanna na cappa'na, to mangkamo mate, na tuo pole'. Iamo tee pepasan-Ku':

Lukas 1:2

Ia to nauki' tau, susi bang unamo to napangpeissenan to tongkita kalenai apa to mangka jaji, mellao jio mai pamulanna. Iamo tuu lako tau mpangpangngajaran kadan-Na Puang Allataala tongkuuki'i tee.

Pengkitanna Yahya 1:11

Mangkadami nakua, “Uki'i lan sura' to apa mukita, ammukiringanni lako tee pitu jamaa, iamo to jamaa jio kota Efesus, Smirna, Pergamus, Tiatira, Sardis, Filadelfia, na Laodikia.”

1 Yahya 5:7

Jaji tallura to mpamanassai kumua mentolinomo to Puang Isa Almaseh,

Ibrani 2:3

Apa pole'pi kita', ia ke te'da taingaran meloi joo Kareba Kasalamatan, tantu te'da talala'pah jio mai pangsessa. Sanga la'bih melo joo Kareba Kasalamatan na ia joo atoran naparatu malaeka' tonna anu'. Puang Isa Ia to bungah mpangpeissenanni, na mangkamiki' napauan tuu lako tobungah ssa'dingngi, antaissenni kumua tongan.