Revelation 21:4 - Bo-Ung NT

⁴ Yu-ni eninga monguna kola molombama kulu tonjumba. Ui uluma pora nirim-na yambuma alsuku kului naa kolku, kola naa teku, kola-lku naa molku, mindili naa nungí.” nirim.

Revelation 21:4 Referans Kwoze

Revelation 7:17

Sipsip-Walále yi nuim king poluna suku-singina molemále yu-ni ‘enini nanga sipsipma’ nimba enini tápu tembaliinga enini aku-siku kapula molku kunjingí. ‘Enini no nangi.’ nimba kona molupa mindi puli no pikilimúmanga memba pumba. Pulu Yili-ni ‘Enini alsuku kola naa teangi.’ nimba kolama pali kulu tonjumba.” nirim.

1 Corinthians 15:26

Ele-túma topa mania mundupa pora sipa kene penga kamu kululi ulu-pulele topa mania mundumba.

1 John 2:17

Ma-koleale kene méle numanu monjulemele mélema pali pora nimbáliinga-pe yambu te Lapale-ni “Ti.” nilimú mele piliipa liipa teng panjipa tepa molemú yambale taki-taki molupa konjupa mindi pumba.

Matthew 24:35

Mulú-masele pora nimbá akiliinga-pe nanga ung niliuma aima pora naa nimbá. [Niliu mele pali aima sika wendu ombá.]” niker.” [nirim.]

Revelation 21:1

Penga mulú kona te kene ma kona te kene kanurundu. Ma uiele kene mulú uiele kene pora nimba, numú-kusale kamu naa mulurum.

Revelation 20:14

Kanu-kene kululi ulu-pulele kene, Yambu Kolemelemanga Minima Pulimelé Koleale kene, akusele tepi nomba pirim wara-peú aima aulina topa mania mundurum. Tepi nomba pelemú wara-peú aima auli ili yambuma wale tale-siku kolemele ulele.

Revelation 22:3

Pulu Yili-ni ma-koleana buni sirim mele buni aima tilu kepe kolea akuna naa pemba. Pulu Yili kene Sipsip-Walále kene akuselenga yi nuim king polale kolea akuna lemba, Pulu Yili-nga kongun tinjili kendemande-yambuma-ni yu popu toku kape ningí.

2 Peter 3:10

Akiliinga-pe Auliele ombá enale aima sika wendu ombá. ‘Wa nuli yi te ombá.’ niku nokuku naa molangi liipa sinjipa olemú mele aku-sipa wendu ombá. Ombá kene mulále tepi ung nilimú mele sukuraka nimba pora nimba, Pulu Yili-ni méle kelúma-ni mana lelemú méle tirim-ma [pali] tepi-ni nomba pora simba. Penga male kene mana lelemú mélema kene pora nimbáko.

1 Corinthians 7:31

Ma-koleana mélema-ni uluma telemele yambuma méle akuma numanu kimbu-siku naa molai. Ya ma-koleale kene mélema kene, ekupu lelemú kanolemulu mélema, pora nimbá tekem, [alsupa kona te wendu ombá tekem akiliinga aku-sili yambuma mele molai].

2 Corinthians 6:17

[Ya niker] akiliinga ‘Auliele-ni nimba mele: “[Ulsukundu-yambuma kene, we-mélema angnjiku kape niku popu tolemele yambuma kene,] enini-kene tiluna naa molku, munduku kelku puku kolea tenga-lupa molu-pai.” Isikiel 20:34,41 “Kalaru mululi mélema [ulsukundu-yambuma-ni angnjiku popu tolemele mélema] kene ulu-pulu-kis pelemú mélema kene kanuma naa ambolku, méle akuma-kene ulu te naa teai.” Asaya 52:11 “Naa ambulungí kene na-ni “Molamili wai.” nimbu eni yandu liimbu.” Jeremaya 32:38

2 Corinthians 5:17

Akiliinga, yambu te Krais-kene tapú-topa molemú kene Pulu Yili-ni yambu kanili ‘Yu yambu konale mulupili.’ nilimú, yu sika yambu konale molemú. Ui tepa kis-sipa mulurum uluma kamu mania purum. Ekupu ulu konama [yu-kene] wendu olemú.

Hebrews 12:27

Yu-ni “alsupu walsekale kamu ‘tipili.’ nimbú.” nirim akili i-sipa mele nimbá nirim: ‘ ‘Muléle kene male kene méle tirindumanga we lepa mindi pumba mélema we lipili, pora nimbá mélema pora nipili.’ nimba mélema pali lop-lopi tenjimba kene we lepa mindi pumba mélema mindi lop-lopi naa tili we lemba.’ aku-sipa Pulu Yili-ni nirim.

Revelation 20:13

Numú-kusana kuluring yambuma lomburuku ola molku, yambu ónu-koleana liring yambuma kepe Yambu Kolemelemanga Minima Pulimelé Koleana puring yambuma kepe lomburuku ola molku kot-na puku angiliiring. Kanu-kene eninga ulu tiringimanga yambu tilu-tilu nimba kot piliirim.