Revelation 18:10 - Bo-Ung NT

¹⁰ Yu mindili nombá mele kanuku kene aima mini-wale munduku aima sulu-teku angiliiku kene niku mele: “Apa! Kondo-o! Apa! Kondo-o! Kolea bi aima ola mululiele, kolea aima auli tondulu puli Bapillon! Ena-mong tilueliinga mindi nunga teku kis-sirineliinga uluma enaliinga wendu okum.” ningí.

Revelation 18:10 Referans Kwoze

Revelation 18:19

Ma-kingipu liiku pakuku kola teku kola-lku molku kene nangale toku kene niku mele: “Apa! Kondo-o! Apa! Kondo-o! Kolea bi aima ola mululiele, sip no-numúna meku anduku akuna ku-moni auli-tepa nusurum ku-moni auli-teku liiring koleale! Ena-mong tilueliinga kolea akili kamu kis lim.” ningí.

Revelation 18:8

Akiliinga, ena tilueliinga yunga buni wendu ombáma wendu ombá. Yambu kulungí kuru pulele wendu omba, yambu pulele kola teku, kolea engle lemba. Tepi-ni yu nomba pora simba. Yu-ni uluma aku-sipa tepa kis-simbáliinga yu kot tenjipa piliilimú Pulu Yi Auliele aima tondulu puli olandupa pelemú yili-ni yu apurupa mindili akuma simba.

Revelation 14:8

Angkella kanili purum kene angkella te omba kene nimba mele: “Kolea auli bi aima ola pelemú Bapillon kamu kis lim. Sika kamu kis lim. Kolea kanuna muluring yambuma-ni we-koleamanga pali yambu-talapema ‘Waperanale tingí pelemú no-waen lakupa tondulale nangi.’ nimba karaye tirimeliinga kolea akili kamu kis lim.” nirim.

Revelation 17:12

“[Kung-kao gu mele] gu engkaki pambusele-pipi kanúnu akili yi engkaki pambusele-pipi ui yi nuim king naa molku koleama naa nokolemelema. Akiliinga-pe méle-takarale kene wasie penga enini yi nuim king mulungí nambama liiku kene ena-mong tilu mendepolu koleama nukungí.

Revelation 11:8

Elsengla ónusele kolea-auli, ui elsengla Auliele unji-perana turing kulurum kolea aima auli akiliinga kupulanum tenga akuna we lemba. Kolea akili bi leku ung-eku toku kene ‘Sodom’ niku ‘Isip’ nilimele.

Revelation 16:19

Aku tirim kene kolea aima auli Bapillon oe topa yupuku tepa, yambumanga kolea lirimumanga kolea-aulima kis lepa pora sirim. Pulu Yili-ni kolea aima auli Bapillon kum naa sipa kene Pulu Yili yunga arerembi aima kulurumele pirim no-waen mingele ‘yu pali nupili.’ nimba sirim.

Revelation 18:18

Tepi nombáliinga ikiliale kanuku kene niku mele: “Kolea-auli ili mele tili te lirimuye?” ningí.

Revelation 18:21

Kanu-kene angkella aima tondulu puli te-ni ku aima auli te ola liipa numú-kusana topa mania mundupa kene nimba mele: “I teker mele aku-sipa ulu-tondulu wendu ombá te-ni kolea-auli bi aima ola mululi kolea Bapillon topa kis-simba kene yambuma-ni kolea ili alsuku naa kanungí.