Matthew 4:13 - Bo-Ung NT

¹³ Nasaret taon-na omba kene, penga taon akili mundupa kelepa Kapeniam taon, numú-Gallalli kéluna lirim, akuna pupa ‘Ekupu kolea ili nanga kamu molumbu koleale lipili.’ nimba akuna mulurum. Kapeniam yi Sepullan kene Naptallai-seleni kalku liiringli yambuma ui muluring koleana lirim.

Matthew 4:13 Referans Kwoze

John 4:46

Yesos kolea Gallalli distrik pupa kene alsupa kolea-kelú Kena taon-na sukundu urum. Taon kanuna ui yu-ni bo-no kuluringima no-waen tepa au talunjurum. Kolea-kelú Kapeniam taon yi nuim kingeliinga kongun tinjili yi-auli te kolea-kelú Kena kanuna mulurum, akiliinga málale kuru auli te turum.

Mark 1:21

[Yi kanuma Yesos lumbili puring kene] yu-kene enini Kapeniam taon puring. Kanu-kene [kóru muluring] ena-Sambatele wendu urum kene Yesos Juda-yambuma máku toku Pulu Yili-nga ungele piliiring lkuna lkundu pupa yambuma ung-mani sipa ung-bo tunjurum.

Matthew 11:23

“Kapeniam taon-na [yambuma eni] ‘Mulú-koleana pupu molamili.’ niku piliikimiliye? Akili kapula mólu. [Eni nanga ungma taki-taki piliilimili akiliinga-pe numanu topele naa tolemeláliinga] eni kolea kísina puku mulungí. Eninga koleana sukundu ulu-tondulu pulele tirindu [akiliinga-pe eni numanu topele naa turing]. Kolea-auli Sodom sukundu [ulu-tondulu te naa tirindeliinga-pe kolea kanuna sukundu] na-ni ulu-tondulu aku-sipu telka kanolkemelanje yambuma numanu topele tolkemela, pe ekupu kepe kolea kanili we lelka.

John 6:59

Juda-yambuma máku toku Pulu Yili-nga ungele piliiring lku te, Kapeniam taon-na angiliirim, akuna suku Yesos-ni yambuma ung-bo tonjupa mani sipa ung akuma nirim.

John 6:24

Yesos-ni langi sirim nuring koleana yambuma-ni Yesos kene lumbili andúlima kene akuna naa muluring koruku kelku kene sip enini muluringna numú-kéluna nondupa oku liringimanga suku puku kolea-kelú Kapeniam taon-na Yesos kurungíndu puring.

John 6:17

Akuna nona anduli sip tenga ola puku no-numúna yakundu oku Kapeniam taon pungí puring. No-numúna pungí puring kene súmbulu turum akiliinga-pe Yesos naa urumeliinga lumbili anduli yima eni-enini puring.

John 2:12

Yi ambu liimbaliinga langi noku pora sikuliinga Yesos kene anum kene anginipili kene lumbili andúlima kene kolea-kelú Kapeniam taon-ndu puku kene, akuna ena talse muluring.

Matthew 17:24

Penga Yesos kene yu lumbili andúlima kene Kapeniam taon-na uring kene Pulu Yili popu turing lku-tembollaliinga ku-moni-takis liiring yima oku Pita walsiku kene niku mele: “‘Nunga ung-bo tunjuli yili-ni lku-tembollaliinga ku-takis tolemú.’ nimbu piliikumulale. Sikaye?” niring kene

Luke 4:23

[Akiliinga-pe] Yesos-ni [yunu mulurum mele nirim-na piliiku kene yunu numanu kis panjiring akili piliipaliinga] eninindu nimba mele: “Ung-eku tolemelemanga te nandu toku ningí teku molemelenje nimbu piliiker. Eni nandu i-siku ningí tekemelenje: “Nu sika dokta mollu lem nu kuru tomba kene nunga upipi-marasinele nunu liikunu nui. Penga nu kona puni [kanupu kene ‘Nu sika dokta mollu lem.’ nimbu piliimulú.” niku ung-eku akili na toku singí tekemelenje?] Nandu niku mele: “Nu-ni Kapeniam taon ulu-tonduluma tirinu piliirimulu akili ya nunga kolea [Nasaret] akuna aku-sikunu ti. [Kanupu kene nu “moliu.” nikinu mele ‘Sika nikinu lem.’ nimbu piliimulú.]” ningí tekemelenje?

Matthew 4:14

[Kapeniam taon-na pupa mulurumeliinga] kórunga-ui Pulu Yili-ni “Ninjui!” nimba ung nimba sirimuma piliipa yambuma nimba sirim yi Asaya-ni ulu te penga wendu ombá ui nirim mele kamu wendu urum. Asaya-ni nimba mele:

Matthew 4:15

“Sepullan-ni kalupa liirim yambuma pelemelé koleale kene, Naptallai-ni kalupa liirim yambuma pelemelé koleale kene, no-numúna lepa pulimú kupulanumele no-Jodan nekendu lelemú koleale kene, kolea Gallalli wikindu yambu-lupa pulele molemele koleale kene, kolea akumanga molemele yambuma [aima sumbulú túlina molemele].

Matthew 9:1

Kanu-kene Yesos alsupa nona anduli sip tenga suku pupa kene, Numú-[Gallalli] yakundu omba yunga kolea [Kapeniam taon] urum.

Mark 2:1

Ena mare omba purum kene Yesos Kapeniam taon alsupa sukundu purum. Yu ui pirim lkuna alsupa omba mulurum akili yambuma-ni piliiku kene

Luke 10:15

“Kapeniam taon [yambuma eni] ‘Mulú-koleana pupu molomulú.’ niku piliikimiliye? Akili kapula mólu. [Eni nanga ungma taki-taki piliilimili akiliinga-pe numanu topele naa tolemeláliinga] eni kolea-kísina puku mulungí.” [nirim.]