Matthew 11:10 - Bo-Ung NT

¹⁰ Yunu-ni Pulu Yili-ni ui “Liipu mundumbu.” nirim yilinga kupulanumele tepa mimi tímu kanili. Yi kanilindu Pulu Yili-nga bukna sukundu molemú ung te i-sipa mele: ‘[Pulu Yili-ni yunga Málalendu nimba mele:] “Piliai. Nanga ung te ninjimba yili na-ni nu puni kupulanum-na yu kumbi-lepu liipu mundukur. Yunu-ni nunga kupulanumele akisinjimba.” Mallakai 3:1 nirim.’ ung kanili bukna molemú.

Matthew 11:10 Referans Kwoze

Mark 1:2

[Yesos, Pulu Yili-ni makó turum yi-nuim Kraisele-nga temani-kaí ili wendu ombándu yi te ui omba temba mele] Pulu Yili-ni “Ninjui!” nimba ung nimba sirimuma piliipa yambuma nimba sirim yi Asaya-ni Pulu Yili-nga ung te nimba bukna turum akuna molemú mele i-sipa: ‘[Pulu Yili-ni nimba mele:] “[Pília.] Na-ni ‘ ‘Nanga ung “Ninjui!” nimbu, nimbu simbu ungma piliipa yandu nimba sipili.’ nimbu liipu mundumbu yili-ni nunga kupulanumele akisinjipili.’ nimbu yu “Kumbi-leku pui.” niker.’ Mallakai 3:1

John 1:23

Jon-ni nimba mele: “Pulu Yili-ni “Ninjui!” nimba ung nimba sirimuma piliipa yambuma nimba sirim yi Asaya-ni kórunga-ui nimba mele: “Kolea-wakana yi te-ni “Auliele ombá kupulanumele sumbi sinji.” nikem piliiker.” Asaya 40:3 nirim. Asaya-ni ui piliirim ung kanili na-ni ekupu niker.” nimba Jon-ni nirim.

Matthew 3:3

Yi kanili [ui naa mulupili aima kórunga-ui] Pulu Yili-ni “Ninjui!” nimba ung nimba sirimuma piliipa yambuma nimba sirim yi Asaya-ni Pulu Yili-nga ung te nimba sipa buk turum. Ung kanili i-sipa mele: “Kolea-wakana yambu tenga kerina ung te nimba mele: “Auliele ombá kupulanumele teku mimi tenjai. Yu ombá kupulanum kelúma toku sumbi sai.” nikem.” Asaya 40:3 nirim. [Jon-ni aima penga temba mele Asaya-ni ui aku-sipa nimba panjipa buk turum.]

Matthew 11:3

Yi kanuma Yesos mulurumna oku yu walsiku piliiku niku mele: “Pulu Yili-ni oliu nokupa konjumba yi te “Liipu mundumbu.” nimba, nimba panjurum yili ‘Ombá.’ nimbu nokupu molemulu kanili nu mola te-lupa ombáliinga nokupu molamiliye?” niring.

Matthew 11:11

Na-ni enindu aima sika nimbu siker: “Ui ma-koleana muluring yambumanga te No-Liinjili Jon-kene kapula mólu. Jon ola-kilia mele. Akiliinga-pe ekupu ena konale wendu okum. Ena kanili Pulu Yili yi nuim kingele molupa nokulemú yambumanga te aima bi naa molupa aima korupa puli yambale ola-kilia; Jon yu mania-kilia.” niker. [Ui muluring yambuma mania mele; ekupu na ‘Sika’ niku tondulu munduku piliingéliinga numanu kaí pemba yambuma olandupa mele.]

Luke 1:76

“Nanga kang [Jon], nu kumbi-leku pukunu Auliele ombá kupulanumele akisinjenéliinga piliikunu kene, yambuma-ni penga nundu ‘Olandupa Molemáliinga ung “Ninjui.” nimba, nimba silimú ungma piliipa yandu nimba sili yili’ ningí.