Mark 4:15 - Bo-Ung NT

¹⁵ Langi-bo mare tanda sirim-ma kupulanum-na mania purum kanuma yambu mare aku-siku mele molemele. Enini ungele piliilimili kene penga [kurumanga nuim] Seten-ni sumbi-sipa omba ung tanda sili numanuna omba pelemúma wendu liilimú.

Mark 4:15 Referans Kwoze

1 Peter 5:8

Eni numanu-bo pípili molku, taki-taki kanuku konjuku molai. Lopa-pus llayon engle kolupa kene kung te topa nombandu andolemú mele aku-sipa eninga ele-tu [kurumanga nuim] depollale-ni ‘Na yambuma ambulupu tepu kis-sambu.’ nimba aku tembandu andupa molemáliinga aku-siku molai.

Matthew 13:19

Bo mare tanda sirim kene kupulanum-na mania purum kanumanga [ung-pulele i-sipa mele:] Yambu te-ni Pulu Yili yi nuim kingele molupa mélema nokulemáliinga ungele piliipa naa liilimú kene ulu-kísimanga pali ulu-pulele pelemú [kur] ale-ni omba langi-bo tanda sili numanuna pupa pelemúma walsekale torulupa wendu liilimú.

2 Corinthians 2:11

‘[Kurumanga nuim] Seten-nga tondulale-ni oliu topa mania naa mundupili. [Krais-kene wasie tondulu mundupu molamili.]’ nimbu aku-sipu oliu teku kis-silimele yambuma teku kis-silimele uluma ‘Mania pupili.’ nimbu kanupu konde tenjamili. Seten-ni oliu [Krais-nga yambuma molemuláliinga] kundi topa ‘Topu mania mundambu.’ nimba ulu telemúma pali piliilimulu kanili.

Luke 8:12

Bo mare kupulanum-na mania purum-ma yambu mare aku-sílima molemele. Enini ungele piliilimili kene penga [kurumanga nuim] depollale omba ‘Ung akili kamu tondulu munduku pilííngi lem Pulu Yili-ni enini tepa liipa, kupulanum kísina wendu liimba kene kapula mólu.’ nimbaliinga ung tanda sílima numanuna omba pelemúma wendu liilimú.

Mark 4:4

Tanda silsiliipa andurum kene bo mare kupulanum-na mania purum, kanuma kerama-ni oku liiku nuring.

Acts 5:3

Kanu-kene Pita-ni yunundu nimba mele: “Ananais, nambimuna nunga numanuna ‘[Kurumanga nuim] Seten omba mulupili.’ nikunuliinga, Mini Kake Tiliele gólu toku sikunuliinga, maliinga ku-moni líínuma pak-sikunu mare anju nosukunuliinga mare meku okunu oliu gólu tokunu sikenuye?

Revelation 20:10

Kanu-kene [kurumanga nuim] depollale-ni enini gólu topa sipa kundi turum yili, liiku ku-sallpa tepi nomba kondupa pirim wara-peú aima aulina, méle-takarale kene, Pulu Yili-ni “I-sikunu niku si-pui.” nirim ung te naa piliipa ungele we gólu topa yandu nimba sirim yili kene, elsele ui liiku toku mania munduring wara-peúna, yu liiku toku mania munduringko. Akuna enini sumbulsuli tanguli taki-taki mindili noku mindi mulungí.

Revelation 20:7

Punie tausen tilu pora nimbá kene [kurumanga nuim] Seten ka-lkuna wendu liiku mundungí kene

Hebrews 2:1

[Kapula, Málale sika angkellamanga olandupa molemú] akiliinga, [Pulu Yili-ni oliu-kene ulu-kaíma temba mele Yesos-ni nimba sirim] sika ui piliirimuluma enembu kolupu naa piliipu kene kamu mundupu kelemuláliinga ung akili numanu liipu mundupu ambulupu molamili.

2 Thessalonians 2:9

Ung-manima pula topa aima tepa kis-simba yi kanili [kurumanga nuim] Seten-nga tondulale-kene omba kene, [Seten-nga] ulu gólu tuliele-ni ulu-tonduluma tepa, yambuma kanukuliinga mini-wale mundungí ulu lupa-lupama temba,

Matthew 22:5

Akiliinga-pe puku niring kene naa piliiku munduku kelku, te yunga puniena purum, te yunga méle taropu túlina purum,

Revelation 12:9

Drekon auli tondulu akili yu kórunga-ui mulurum wambiyele; yu “[kurumanga nuim] depollale” niku; yu “Seten” nilimele yili; yu mana-yambuma pali kundi topa ‘Lu liiku kupulanum tenga-lupa pangi.’ nilimú yili. Kanili toku mana mania munduring, yu kene yu lumbili anduring angkellama kene toku mana mania munduring.

Matthew 4:10

Kanu-kene Yesos-ni yundu nimba mele: “Seten, nu anju pa! Pulu Yili-nga bukele-ni nimba mele: ‘Pulu Yili eninga Auliele mindi niku popu toku bi paka tonjuku, yunga kongunuma mindi tenjiku molai.’ Ung-Manima 6:13 nimba molemú kanili.” nirim.

Hebrews 12:16

Waperanale naa teku, Pulu Yili-ni ‘Ambu-yima kalkundu ulu teangi.’ nirim mele mindi piliiku teku molai. Ui Iso-ni Pulu Yili liipa bulu sirim mele aku-siku naa teangiko. Iso yu kang-komale molupa kene lapale-ni moya-méle simbama ‘ulu te mólu’ nimba angin-ni langi te ‘nupili.’ nimba sirim kene [engle-ni kolupa langi liipa nombandu] lapale-ni moya-méle simba tirim-ma pali angin-ndu ‘Liani!’ nirim mele aku-siku eni Pulu Yili liiku bulu siku aku naa teai.

Acts 17:32

“Yambu te kolkuliinga lomburuku ola mulungí.” nirim kene enini piliiku kene, mare-ni “Gólu tokum.” niku ung-taka tunjuring. Akiliinga-pe mare-ni niku mele: “Ulu temba nikem ili mele walse ena tenga alsupu piliamili nipili.” niring.

Mark 4:14

Langi-bo tanda sirim yili-ni tanda sirim langi-boma [Pulu Yili-nga] ungele.

Mark 4:16

Aku-sipako, bo mare tanda sirim-ma ku pirimna mania purum kanuma yambu mare aku-siku mele molemele. Enini ungele piliiku kene walsekale sumbi-siku numanu siku piliiku liilimele.