Luke 7:26 - Bo-Ung NT

²⁶ “[Aku-sili yi te kanungí naa puring lem] Pulu Yili-ni “Ninjui!” nimba ung nimba silimúma piliipa yambuma nimba sili yi te kanungí puringiye? Akili sika akiliinga-pe na-ni enindu nimbu siker: “Jon yunu sika Pulu Yili-ni “Ninjui!” nimba ung nimba sirimuma piliipa nimba sili yi te akiliinga-pe yunu aku-sili yi we te mólu.” niker.

Luke 7:26 Referans Kwoze

Luke 20:6

Mola oliu-ni nimbu mele: “Yu mana-yambumanga [kongunale tenjimbandu yambuma no liinjirim].” nímulu lem we-yambuma-ni oliu ku-ni toku kunjingí. We-yambuma-ni ‘Jon yunu aima sika Pulu Yili-ni “Ninjui!” nimba, nimba sirimu ungma piliipa yambuma nimba sirim yi te mulurum.’ niku piliilimili akiliinga enini oliu ku-ni toku kunjingí.” niku enini aku-siku tombulku niring.

Luke 1:76

“Nanga kang [Jon], nu kumbi-leku pukunu Auliele ombá kupulanumele akisinjenéliinga piliikunu kene, yambuma-ni penga nundu ‘Olandupa Molemáliinga ung “Ninjui.” nimba, nimba silimú ungma piliipa yandu nimba sili yili’ ningí.

John 5:35

Jon-ni kongun tirimeliinga yu kamaye mele nomba yambuma pa tinjirim. Kanu-kene laye-kolo eni numanu siku pa tinjirim pa tili kanuna muluring.

Luke 16:16

“[No-Liinjili] Jon ui ma-koleana naa omba mulupili Pulu Yili-ni yambuma ‘Teai.’ nirim akili mele [Pulu Yili-nga ung-manima yandu nimba sirim yi] Moses-ni turum bukma kene, Pulu Yili-ni “Ninjai!” nimba ung nimba sirimuma piliiku yambuma niku siring yima-ni buk turingima kene, buk kanumanga mulurum, yandupa-yandupa mani siku yambuma niku siring. Akiliinga-pe, ekupu, Pulu Yili-ni omba yi nuim kingele molupa yambuma nokupa konjumba temani-kaiéle topu silsiliipu andolemulu. Pulu Yili yi nuim kingele molupa yambuma nokumba yambu-talapena sukundu puku mulungéliinga yambuma aima tondulu munduku aima mindilisele siku teku pulimelé.

Luke 7:25

[Taki-taki kanolemele mele kanungí naa puring lem] ulu nambulka te kanungíndu puringiye? Yi te mulumbale aima kaíma pakupa mulurum kanungí puringiye? Akili móluko. Yambu kamako molku, méle pulele nosuku, mulumbale aima kaíma pakolemelema yi nuim kingimanga lkuna mendepulu molemele kanili.

Luke 7:27

Aku niker yi kanilindu Pulu Yili-nga bukna sukundu molemú ung te i-sipa mele: ‘[Pulu Yili-ni yunga Málalendu nimba mele:] “Piliai! Nanga ung ninjimba yili na-ni nu puni kupulanum-na yunu kumbi-lepu liipu mundukur. Yunu-ni nunga kupulanumele akisinjimba.” nirim.’ Mallakai 3:1 ung kanili bukna molemú.