Luke 5:29 - Bo-Ung NT

²⁹ Penga LLipai-ni yunga lkuna Yesos-nga langi pulele kalunjurum. Akuna ku-takis liili yi pulele kene, we-yi mare kene, enini Yesos LLipai-sele kene wasie mania molku langi kanuma nuring.

Luke 5:29 Referans Kwoze

Luke 15:1

Ku-moni-takis liili yi kanuma kene ulu-pulu-kis tili yi wema kene enini pali Yesos-nga ungele piliingíndu yunu mulurumna nondupa uring.

1 Corinthians 10:27

Krais naa piliili yambu te-ni enindu “Langi wasie námili wai.” nimbá kene ‘Pamili.’ niku pilííngi lem aku kapula. Ung te mólu. Pungí kene singí langima pali walu-siku nai. Numanale-ni piliiku kene, ‘Ili kapula nomulú mola langi ili-ni gólu tuli pulu yambu te popu toku síngi lem nomulú kene kapula naa temba.’ niku aku-siku numanu liiku naa mundai. Langi singíma ung te naa walsiku walu-siku liiku nai.

John 12:2

Betani kanuna lku tenga yambuma Yesos wasie langi nungíndu teku mimi tiring. LLasares kimulu Mata-ni langima moke tirim. Yesos wasie langi noku muluring yambumanga te LLasares yunu.

Mark 2:15

Pe Yesos LLipai-nga lkuna langi nomba mulurum kene ku-takis liili yima kene, [Juda yi aulima-ni] “ulu-pulu-kisma tili yi” [niring] yi wema kene pulele oku Yesos kene yunga lumbili anduli yima kene enini wasie mania molku langi nuring. Aku-sili yambu pulele taki-taki yu lumbili anduringeliinga enini pulele [akuna lumbili puku] wasie langi noku muluring.

Matthew 9:10

Penga Yesos Matyu-nga lkuna langi nomba mulurum kene ku-moni-takis liili yima kene, [Juda-yi aulima-ni] “ulu-pulu-kísima tili yi” [niring] yi we kanuma kene pulele oku Yesos kene yu lumbili anduli yima kene enini wasie mania molku langi nuring.

Matthew 5:46

“Eni numanu monjulemele yambuma mindi numanu monjulemele kene Pulu Yili-ni kanupa kaí piliimbaye? [Rom-gapman] ku-moni-takis liilimele yambu [kis]ma kepe anju-yandu aku-ko telemeláliinga [eni kanuku kis piliilimili yambuma wasie numanu munjingí kene kapula].

Matthew 9:9

Kanu-kene Yesos pumba pupa kene, ku-moni-takis liipa mulurum yi te, yunga bili Matyu, kanupa kene yunundu “Na-kene wasie pambili lumbili ui.” nirim. Kanu-kene Matyu ola angiliipa yu lumbili purum.

Matthew 11:19

Pe Mania Omba Mana-Yi Au Talurum Yili omba ga kene no-waen kene nurum kene [kanuku kis-ko piliiku kene] niku mele: “Yu ga pulele nomba kis piliipa, no-waen pulele nomba kelep topa telemú yili. Yu ku-moni-takis liili yima kene, ulu-pulu-kis telemele yambu-wema kene ‘Yu-kene pulu lipili wasie tapú-topu molamili.’ nimba telemú.” nilimeleko. [Enini aku-siku Jon kanuku kis-ko piliilimili. Na kanuku kis-ko piliilimili.] Akiliinga-pe piliipa kungnjuli ulu-pulele Pulu Yili-kene pelemú-na yu-ni telemú mele kanuku kene ‘Papu telemú.’ ningí.” nirim.